Nočču 1 maja kala 02:30 rasijanie atakavali Ukrainu z samalotaŭ stratehičnaj avijacyi — dzieviaci Tu-95 z rajona Aleniahorska (Murmanskaja vobł.) i dvuch Tu-160 z rajona Kaśpijskaha mora. Usiaho było vypuščana 18 kryłatych rakiet pavietranaha bazavańnia Ch-101 / ch-555.
Siłami i srodkami supraćpavietranaj abarony Uzbrojenych sił Ukrainy źniščana 15 z 18 rakiet, — paviedamlaje kamandavańnie Pavietranych sił.
U Kijeŭskaj vobłaści, dzie taksama pracavała sistema SPA, pavodle papiarednich danych, byli źbityja ŭsie rakiety i bieśpiłotniki.
Kudy mienavita trapili try rakiety, jakija nie ŭdałosia pierachapić, nie paviedamlajecca. Vybuchi čuli ŭ Chiersonie, Charkaŭskaj i Sumskaj abłaściach.
Da hetaha abstrełu vybuchi adbylisia ŭ Paŭłahradzie Dnieprapiatroŭskaj vobłaści. U vyniku rakietnaj ataki na Paŭłahrad paciarpieła 25 čałaviek, siarod ich — troje dziaciej, paviedamiŭ staršynia AVA Siarhiej Lisak.
U horadzie paškodžanyja pramysłovaje pradpryjemstva, 19 šmatpaviarchovikaŭ, 25 pryvatnych damoŭ, šeść navučalnych ustanoŭ i piać kram. Na miescach pracujuć ratavalnyja słužby
Pavodle rasijskaha boku, udar u Paŭłahradzie byŭ naniesieny pa składzie bojeprypasaŭ i čyhunačnym vuźle.
Ciapier čytajuć
«Ni pra što nie škaduj, Śvieta. Žyvie Biełaruś». Śviatłana Kurs napisała list samoj sabie, 15‑hadovaj4
«Ni pra što nie škaduj, Śvieta. Žyvie Biełaruś». Śviatłana Kurs napisała list samoj sabie, 15‑hadovaj
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm1818
Kamientary