Hienieralnaja prakuratura papiaredziła hrupu «Dziadoŭ Marozaŭ» pra mahčymaje pryciahvańnie da adkaznaści za ŭdzieł u niezarehistravanaj arhanizacyi.
Hienieralnaja prakuratura papiaredziła hrupu «Dziadoŭ Marozaŭ» pra mahčymaje pryciahvańnie da adkaznaści za ŭdzieł u niezarehistravanaj arhanizacyi.
«U vypadku ŭstanaŭleńnia źviestak ab sistemnym udziele ŭ niezarehistravanaj arhanizacyi, hrupa Dziadoŭ Marozaŭ budzie pryciahnutaja da adkaznaści», ‑ paviedamlajecca ŭ liście Hienieralnaj prakuratury za podpisam načalnika adździeła pa nahladzie za zachavańniem pravoŭ i svabodaŭ hramadzianaŭ P.U. Radyjonava.
Nahadajem, u kastryčniku hrupa Dziadoŭ Marozaŭ dobraachvotna zdałasia ŭ Hienieralnuju prakuraturu.
Udzielniki chepieninhu adnieśli zajavu, u jakoj nie tolki pryznalisia ŭ dziejnaści ad imia niezarehistravanaj arhanizacyi ciaham šmathadovaha pieryjadu,
ale i paprasili dać pravavuju acenku ich «dziedamaroznaj spravie».
Maŭlaŭ, štohod Dziady Marozy «arhanizoŭvajuć śviatkavańni Kaladaŭ i Novaha hodu ŭ roznych nasielenych punktach Biełarusi, raspaŭsiudžvajuć kaladnyja i navahodnija padarunki (u tym liku siarod niepaŭnahadovych), vystupajuć na schodach, u srodkach masavaj infarmacyi ź vinšavańniami i najlepšymi pažadańniami».
Juryst niezarehistravanaj Asamblei NDA Juryj Čavusaŭ zaznačaje, što ŭ svaim liście prakuratura nie źviarnuła ŭvahu na jaŭku z pavinnaj Dziadoŭ Marozaŭ.
«Pa sutnaści, my tut bačym prostaje vykładańnie normaŭ biełaruskaha zakanadaŭstva ab hramadskich abjadnańniach. Na moj pohlad, prakuratura vyrašyła nie razhladać pravavuju situacyju, jakaja paŭstała ŭ vyniku hetkaj demanstracyi absurdnaści artykuła 193‑1.
Ź inšaha boku, — miarkuje juryst, — prakuratura adznačaje, što pry najaŭnaści sistemnaha i arhanizavanaha supracoŭnictva hramadzianaŭ u niezarehistravanych arhanizacyjach pravaachoŭnyja orhany mohuć pryciahnuć hetych ludziej da adkaznaści. Tak što z farmalnaha punktu hledžańnia pytańnie ab kryminalnaj adkaznaści Dziedaŭ Marozaŭ napeŭna znoŭ paŭstanie bližej da Novaha Hodu». Pa artykule 193.1 («Niezakonnaja arhanizacyja dziejnaści hramadskaha abjadnańnia, relihijnaj arhanizacyi albo fonda, albo ŭdzieł u ich dziejnaści») za 4 hady było asudžana 17 čałaviek. Artykuł praciahvaje dziejničać.
Chto zabaraniaje ŭ Biełarusi knihi — voś hetyja 22 čałavieki33
Kamientary