Siem čałaviek paciarpieli ŭ DTZ na skryžavańni vulic Kuncaŭščyna i Prytyckaha, pa infarmacyi staličnaj DAI.
Pavodle papiaredniaj infarmacyi DAI, siońnia kala 20:50 31-hadovaja žančyna, kirujučy aŭtamabilem Geely, na skryžavańni vulic Kuncaŭščyna i Prytyckaha pry pavarocie naleva na dazvalalny sihnał śviatłafora nie addała pieravahu i sutyknułasia z aŭtobusam «MAZ», jaki ruchaŭsia ŭ sustrečnym kirunku.
Ad sutyknieńnia aŭtobus udaryŭsia ab mietaličnuju aharodžu, a zatym urezaŭsia ŭ tralejbus.
Pavodle kamientaryja Minzdaroŭja, piać paciarpiełych dastavili ŭ lačebnyja ŭstanovy, traich ź ich — u balnicu chutkaj miedycynskaj dapamohi, a dvaich — u 5-ju balnicu Minska.
Jašče dvaim akazali miedyčnuju dapamohu na miescy, ad špitalizacyi jany admovilisia.
Va ŭsich paciarpiełych dyjahnastavali traŭmy roznaj stupieni ciažkaści, u tym liku čerapna-mazhavyja, pierałomy kostak, udary i h. d.
Kamientary