Za hod ź Biełarusi ŭ Rasiju vyvieźli bolš za 130 tysiač ton bojeprypasaŭ — «Supolnaść čyhunačnikaŭ»
«Supolnaść biełaruskich čyhunačnikaŭ» sabrała i praanalizavała viadomuju joj statystyku, datyčnuju vyvazu z terytoryi Biełarusi ŭ Rasiju čyhunačnym transpartam bojeprypasaŭ za minuły hod.
Pavodle źviestak supolnaści, sa studzienia 2022 hoda pa studzień 2023 hoda čyhunkaj ź Biełarusi ŭ Rasiju było vyvieziena 131 535 ton bojeprypasaŭ.
Adznačajecca, što infarmacyja pra abjomy vyvazu bojeprypasaŭ maje dakładnaść u miežach 90—95%. Heta aznačaje, što pryviedzienyja źviestki možna interpretavać ź minimalnaj chibnaściu. I jany, jak śćviardžajecca, śviedčać pra značna bolšaje, čym pakazvaje prapahanda, uciahnieńnie režymu Łukašenki ŭ vajnu na baku ahresara, i jość dokazam jaho niepasrednaha ŭdziełu ŭ joj.
Pry hetym adpraŭka ŭ Rasiju bojeprypasaŭ ź biełaruskich arsienałaŭ nibyta praciahvajecca i pa siońnia (u siarednim ad 5 000 da 10 000 ton u miesiac).
Mašynistam biełaruskaha ciahnika, jaki praz dyviersiju syšoŭ z rejek u Branskaj vobłaści, uručyli padziaku ministra
Rasijskija vajskovyja ešałony prybyvajuć u Biełaruś prosta z zony bajavych dziejańniaŭ — Supolnaść čyhunačnikaŭ
Za dyviersanta — uznaharoda. Ułady ŭzmacniajuć patrulavańnie i inšyja miery biaśpieki na čyhuncy — Supolnaść čyhunačnikaŭ
Kamientary