Rasija admoviła misii AAN u dostupie da levabiarežnaj Chiersonščyny
RF admoviłasia prapuskać humanitarnuju misiju AAN na levy bierah Chiersonskaj vobłaści da ludziej, jakija paciarpieli ŭ vyniku razbureńnia Kachoŭskaj hidraelektrastancyi.
«AAN supracoŭničaje z uradami Ukrainy i RF pa efiektyŭnaj dastaŭcy humanitarnaj dapamohi ŭsim ludziam, jakija paciarpieli ŭ vyniku razbureńnia Kachoŭskaj damby. Urad RF pakul adchiliŭ naš zapyt na dostup da terytoryj, jakija znachodziacca pad časovym vajskovym kantrolem Rasii», — havorycca ŭ zajavie kaardynatarki misii AAN va Ukrainie Deniz Braŭn.
U zajavie Braŭn adznačajecca, što AAN praciahnie pracavać nad pošukam dostupu da ludziej na levabiarežnaj Chiersonščyny.
«My zaklikajem rasijskija ŭłady dziejničać u adpaviednaści sa svaimi abaviazkami ŭ mižnarodnym humanitarnym pravie», — zajaviła kaardynatarka AAN.
U noč na 6 červienia rasiejcy ŭzarvali Kachoŭskuju hidraelektrastancyju, razburyŭšy mašynnuju zału i płacinu, stancyju niemahčyma adnavić. Padryŭ Kachoŭskaha vadaschovišča pahražaje biaśpiecy Zaparožskaj AES.
Padryŭ Kachoŭskaj HES taksama vyklikaŭ ekałahičnuju katastrofu. Vada z vadaschovišča pačała zataplać harady i vioski, pačałasia evakuacyja.
Pa stanie na 18 červienia viadoma pra 17 zahinułych u vyniku padryvu HES, jašče 31 čałaviek prapaŭ bieź viestak.
«Telefanujcie dzieciam, prasicie viarnucca ŭ Biełaruś». Biełarusy na miažy sutyknulisia z novaj pravierkaj26
Kamientary