Budaŭnictva troch stancyj Zielenałužskaj linii mietro — «Aeradromnaj», «Niemaršanskaha sadu», «Słuckaha haścinca» — u samym razhary. Kiraŭnik dyrekcyi budaŭnictva Minskaha mietrapalitena Pavieł Carun raskazaŭ «Minsk-Navinam» pra stupień hatoŭnaści abjektaŭ.
«Aeradromnaja»
Kanstrukcyi stancyi całkam uźviedzienyja. Praciahvajecca azdableńnie, u tym liku kładka kamienia. Vykonvajecca mantaž eskałataraŭ, liftavaha i inšaha technałahičnaha abstalavańnia.
Bolš za toje, užo zabietanavanyja vierchnija zbudavańni šlachoŭ z mantažom chadavoj rejki.
«Niemaršanski sad»
Budavać hetuju stancyju pačali paźniej, čym «Aeradromnuju». Ciapier tam taksama vykonvajucca pracy pa azdableńni. Da kanca 2023-ha pastaŭlena zadača ich zaviaršyć.
Nieŭzabavie pačniecca mantaž eskałataraŭ i liftavaha abstalavańnia.
«Słucki haściniec»
Stancyju pačali budavać samaj apošniaj z troch. Ciapier praciahvajucca manalitnyja pracy stancyjnaha kompleksu, jakija nieabchodna skončyć da kanca hoda, i vykonvajecca azdableńnie ŭžo pabudavanych kanstrukcyj.
Pačali budavać tupiki za stancyjaj i ŭmacoŭvać katłavan adnaho z uvachodaŭ. Na druhim uvachodzie viaducca manalitnyja žalezabietonnyja pracy z hidraizalacyjaj.
A što dalej?
— Z hienpadradčykam — «Minskmietrabudam» — užo zaklučany dahavor na padrychtoŭku terytoryi dla ŭźviadzieńnia čatyroch stancyj u napramku Zialonaha Łuha: «Parku Družby narodaŭ», «Kamaroŭskaj», «Piarespy» i «Prafsajuznaj», — adznačyŭ P. Carun.
U adpaviednaści z technałohijaj zbudavańnia tuneli ŭ bok centralnaj častki horada buduć uzvodzić ad stancyi «Park Družby narodaŭ». Za miežy zony budaŭnictva stancyj užo vynosiacca inžyniernyja sietki, buduć pabudavany abjezdy.
Heta nieabchodna, kab zbudavać katłavan dla nastupnaha mantažu i zapusku miechanizavanaha ščytavoha kompleksu, jakomu i treba budzie zakrytym sposabam kapać tuneli, i pačać paetapnaje ŭźviadzieńnie kanstrukcyj stancyjnaha kompleksu «Park Družby narodaŭ» z tupikami.
Asablivaść budaŭnictva budučych stancyj u tym, što na hetym učastku vysoki ŭzrovień hruntavych vod, tamu tam, dzie buduć pravodzicca pracy, pryjdziecca vykonvać vodapanižeńnie.
-
Vyjšaŭ na volu hrodzienski biznesmien, jaki ŭ 2020-m paskardziŭsia na siłavikoŭ
-
Dziaŭčynu ŭ Homieli ledź nie źbili na piešachodnym pierachodzie, ale jana niby i nie zaŭvažyła VIDEA
-
«Hibryd zazdraŭnaha malebnu i zaŭpakojnaj licii». Da 3 lipienia BPC skłała słužbu, supiarečnuju kanonam i zdarovamu sensu
«Jon užo doma». Dačka Ryhora Kastusiova raskazała pra pieršuju hutarku z baćkam paśla vyzvaleńnia1
«Jon užo doma». Dačka Ryhora Kastusiova raskazała pra pieršuju hutarku z baćkam paśla vyzvaleńnia
Rasiejskaja armija rychtuje novy ŭdar pa ŭkrainskaj abaronie — navat bolš mahutny, čym šturm Aŭdziejeŭki13
Kamientary