Jury Dziemidovič zaniaŭ 9-je miesca z 13-ci, nabraŭšy 48 bałaŭ. Konkurs vyjhraŭ vykanaŭca ź Niderłandaŭ Ralf Makienbach.
Na mižnarodnym dziciačym konkursie pieśni «Jeŭrabačańnie», jaki prajšoŭ 21 listapada ŭ Kijevie, pieramoh vykanaŭca ź Niderłandaŭ Ralf Makienbach. Pradstaŭnik Biełarusi Jury Dziemidovič, što vykonvaŭ pieśniu «Čaroŭny trusik», zaniaŭ 9-je miesca z 13-ci, nabraŭšy 48 bałaŭ.
Nivodnaja z krain udzielnic nie pastaviła biełarusa na pieršaje miesca (12 bałaŭ) – 12 bałaŭ bonusam kožnamu z udzielnikaŭ byli padaravanyja dyrektaram konkursu, ni na 2-je.
Maksimalnuju kolkaść bałaŭ Dziemidoviču pastaviła Ukraina (7 bałaŭ),
pa 6 — Makiedonija i Rasija, 5 — Hruzija, 4 — Bielhija, 3 — Niderłandy i Sierbija, pa 1 — ad Armienija i Kipr.
Biełaruskija hledačy i žury addali 12 bałaŭ Rasii, 10 — Ukrainie, 8 — Armienii, 7 — Niderłandam.
Raniej kankursanty ź Biełarusi dvojčy stanavilisia pieramožcami dziciačaha «Jeŭrabačańnie».
Na konkursie 2007 hoda pieršaje miesca zavajavaŭ minski školnik Alaksiej Žyhałkovič, na «Jeŭrabačańni -- 2005» — Ksienija Sitnik z Mazyra. U 2006 h Andrej Kuniec zaniaŭ druhoje miesca, letaś dziavočaje tryo ŭ składzie Darji Nadzinaj, Aliny Mołaš i Karyny Žukovič zaniało šostaje miesca.
Intryha ž, chto stanie pieramožcam u 2009 h., zachoŭvałasia da kanca.
Pierad abviaščeńniem vynikaŭ hałasavańnia ŭ apošniaj krainie, pieršuju prystupku ŭ rejtynhu dzialili Armienija i Bielhija. A ŭ vyniku pieramahła Hałandyja. Jaje pradstaŭnik Ralf Makienbach nabraŭ 121 bał. Druhoje i treciaje miescy padzialili pamiž saboj pradstaŭnicy Rasii Kaciaryna Rabava i Armienii Łaura Ajrapiecian, atrymaŭšy pa 116 bałaŭ.
Ahulnyja vyniki hałasavańnia vyhladajuć nastupnym čynam:
1. Hałandyja — 121
2,3. Rasija, Armienija — 116
4. Bielhija — 113
5. Ukraina — 89
6,7. Šviecyja, Hruzija — 68
8. Malta — 55
9. Biełaruś — 48
10. Sierbija — 34
11. Kipr — 32
12. Makiedonija — 31
13. Rumynija —19
Dziciačaje «Jeŭrabačańnie-2010» projdzie 20 listapada ŭ Minsku.
Kamientary