U Biełarusi nazirajecca rost žanočaha ałkahalizmu

U Biełarusi, jak i va ŭsim śviecie, nazirajecca tendencyja rostu žanočaha ałkahalizmu.

Pra heta zajaviŭ zahadčyk adździeła narkałohii Respublikanskaha navukova‑praktyčnaha centra psichičnaha zdaroŭja Ministerstva achovy zdaroŭja Andrej Kapytaŭ 23 listapada na pres‑kanfierencyi ŭ Minsku.

Pavodle jaho słoŭ, kali ŭ pačatku 1980‑ch hadoŭ na adnu chvoruju na ałkahalizm žančynu prypadała prykładna 12 mužčyn‑ałkaholikaŭ, to ŭ 2000 hodzie — 5, u 2008 hodzie — 4,5. Čakajecca, što ŭ budučyni ad ałkahalizmu žančyny buduć pakutavać naroŭni z mužčynami:

u padletkaŭ 14—15 hadoŭ chvaroba sustrakajecca adnolkava časta ŭ chłopčykaŭ i dziaŭčynak.

Na 1 studzienia 2009 hoda ŭ Biełarusi na narkałahičnym uliku ŭ suviazi z ałkahalizmam znachodzilisia 33.965 žančyn, jašče pryblizna 12 tys. — na prafiłaktyčnym uliku.

Jak miarkuje śpiecyjalist, rost kolkaści žančyn, jakija pjuć, šmat u čym tłumačycca tym,

što žančyny siońnia vykonvajuć tyja ž funkcyi, što i mužčyny, i časta adčuvajuć dvajnuju nahruzku — na pracy i doma. Adzin z najbolš dastupnych sposabaŭ źniać napružańnie — pryjom ałkaholu.

Jak paviedamiŭ Kapytaŭ, ad ałkahalizmu čaściej pakutujuć žančyny ź niebahatych siemjaŭ.

Tolki pryblizna 20% chvorych majuć vyšejšuju adukacyju. Jak praviła, chvoryja na ałkahalizm zamužam abo žyvuć z sužycielem.

U siarednim ałkaholnaja zaležnaść farmirujecca ŭ žančyn da 26—27 hadoŭ, u mužčyn — da 21—22 hadoŭ. Adnak žanočy ałkahalizm chutčej prahresuje: kali ŭ mužčyn chvaroba prachodzić usie stadyi na praciahu prykładna 16 hadoŭ, to ŭ žančyn — za siem hadoŭ.

U žančyn, jakija pakutujuć ad ałkahalizmu, prykładna ŭ dva razy chutčej adbyvajecca parušeńnie razumovych zdolnaściej, čym u mužčyn. Heta źviazana z asablivaściami žanočaha arhanizmu, u jakim mienš vady i, adpaviedna, udzielnaja vaha ałkaholu bolšaja. Aprača taho, u žanočym arhaniźmie nie chapaje fiermientu, jaki rasščaplaje ałkahol. Ałkahol lepš usmoktvajecca, asabliva ŭ pieradmienstrualny pieryjad. 82% chvorych na ałkahalizm majuć zapojnyja formy ałkahalizmu. Pry hetym zapoi karaciejšyja pa časie, čym u mužčyn, ale zdarajucca čaściej.

Pavodle słoŭ śpiecyjalista, žančyny ŭ paraŭnańni z mužčynami čaściej utojvajuć svoj ałkahalizm, mnohija pjuć u adzinočku, bajučysia hramadskaha asudžeńnia. Da narkołaha mnohija traplajuć na stadyi, kali ŭžo pačałasia dehradacyja asoby. Heta sadziejničaje padtrymańniu mifu ab tym, što žanočy ałkahalizm drenna lečycca.

Anastasija Janušeŭskaja, BiełaPAN.

• 0
• 0
• 0
• 0
• 0
• 0
• 0
• 0