U Finlandyi źjaviłasia pieršaja ŭ śviecie vyspa, na jakoj nielha vykarystoŭvać smartfony
Padčas adpačynku byvaje ciažka admovicca ad prahladu stužki sacyjalnych sietak i pracoŭnaj elektronnaj pošty, tamu vyspa Ułka-Tamia zaprašaje turystaŭ da siabie na «ličbavy detoks».
Vyspa Ułka-Tamia — heta častka samaj ščaślivaj krainy ŭ śviecie. Jana ŭvachodzić u Nacyjanalny park uschodniaj častki Finskaj zatoki.
«Vyspa Ułka-Tamia la ŭźbiarežža Chamina stanie miescam, dzie nielha budzie karystacca telefonam, — skazaŭ ekśpiert pa turyźmie Met Sielin. — My chočam zaachvocić adpačyvalnikaŭ vyklučyć svaje smartfony, spynicca i pa-sapraŭdnamu atrymać asałodu ad krajavidaŭ».
Ułka-Tamia chaj i biaźludnaja vyspa, ale razam z tym dom dla mnohich redkich ptušak i raślin, jakich možna budzie ŭbačyć padčas špacyru pa pryrodnych ściežkach abo z ptušynaj viežy.
Udzieł u «ličbavaj dietaksikacyi» dobraachvotny dla turystaŭ, ale kampanija Parks & Wildlife Finland, jakaja kiruje vyspaj, spadziajecca, što zaklik na zabaronu telefonaŭ sapraŭdy prymusić turystaŭ admovicca ad internetu i pačać atrymlivać asałodu ad fłory i faŭny vyspy.
«Vyklučeńnie telefona, znajomstva z pryrodaj i sustreča ź ludźmi palepšyć vaš nastroj i samaadčuvańnie, — skazaŭ psichołah i kiraŭnik daśledavańniaŭ u Finskim instytucie zdaroŭja i dabrabytu Sary Kasren. — Na prahlad sacyjalnych sietak u nas marnujecca nieźličonaja kolkaść hadzin, tamu adpačynak pavinien być nieabchodnaściu i mahčymaściu dla novych uražańniaŭ».
Naviedvalniki mohuć pieranačavać na vostravie ŭ namiotach abo ŭ katedžy, jaki naležyć arhanizacyi Parks & Wildlife Finland, a dabracca da vyspy možna na pryvatnaj łodcy, pryharadnym paromie abo vodnym taksi.
***
Ułka-Tamia (fin. Ulko-Tammio, švied. Yttre Stamö) — vyspa ŭ paŭdniova-ŭschodniaj Finlandyi. Znachodzicca ŭ Finskaj zatocy blizu rasijska-finlandskaj miažy, za 12 km na poŭdzień ad porta Chamina.
Daŭžynia vyspy kala 1,4 km. Uvachodzić u Nacyjanalny park uschodniaj častki Finskaj zatoki.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm16
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać3333
Kamientary