Kompleks sabora «Safija Kijeŭskaja», jaki naležyć da Suśvietnaj spadčyny JUNIESKA, aličbavali łaziernym skanavańniem. Ličbavaja kopija sabora daść novyja mahčymaści dla daśledavańnia, kantrolu i zachavańnia pomnika, jak piša «Suśpilnie».
«Ciapier, jak nikoli, važna nie zabyvać ułasnuju historyju i šanavać svaju kulturnuju spadčynu, bo kraina-ahresar metanakiravana jaje źniščaje», — kažuć u zapaviedniku i dadajuć, što ideja ŭźnikła ŭ suviazi z poŭnamaštabnym uvarvańniem Rasii, tamu što ciapier štodnia jość pahroza paškodžvańnia abo źniščeńnia pomnika.
Łaziernaje skanavańnie sabora zrabili ŭ śniežni 2022 hoda pry padtrymcy Jeŭrapiejskaj asacyjacyi architektaraŭ kafiedralnych saboraŭ i pasolstva Aŭstryi va Ukrainie.
Jak raspaviali rabotniki sabora, dla prajekta vykarystoŭvaŭsia aŭstryjski łazierny skanier RIEGL VZ-400 z dałučanaj kalibravanaj kamieraj Sony. Najnoŭšyja technałohii dazvalajuć atrymać padrabiaznaje apisańnie pavierchniaŭ z dakładnaściu da milimietraŭ. Skanavańnie — heta fiksacyja ŭsiaho ŭ 3D-prastory z dakładnymi zamierami.
Pradstaŭnik kampanii Skeiron prapadobny Juryj kaža, što ŭsiaho śpiecyjalisty abyšli bolš za 1000 tak zvanych stancyj — punktaŭ, na jakija staviać łazierny skanier, i jon, kruciačysia, źbiraje danyja. Jaho staviać na roznych adlehłaściach ad abjekta, u dźviarach, kab złučyć eksterjer i interjer. Ukrainskaja kamanda Skeiron za tydzień dydžytalizavała eksterjer i interjer sabora ŭ bolš čym 800 pazicyjach. Była nievialikaja dazdymka na praciahu adnaho dnia viasnoj.
«Ideja aličboŭvać słavutaści ŭźnikła z pačatku poŭnamaštabnaha ŭvarvańnia, tamu što pačało prylatać pa kaštoŭnych abjektach. A Safija — serca Ukrainy, jaje važna zachavać», — kaža Juryj.
Ciapier abłoki punktaŭ i fota (ich u hetaj technałohii atrymlivajecca miljardy) možna vykarystoŭvać dla detalovych 2D-płanaŭ abo 3D-madelaŭ. Architektaram i historykam taki malunak moža pakazać, nakolki nachilenaja struktura, ci jość defarmacyi na ścienach abo raskoliny. Možna taksama sprahnazavać, kudy viaduć niejkija padziemnyja chady (choć heta nie vypadak Safii, pa słovach spadara Juryja).
Aličboŭka prachodziła ŭ ramkach prajekta Save Ukrainian Heritage. Sabor vykazaŭ padziaku inžynieru-architektaru Volfhanhu Cetnieru i archivaryusu Francu Cetnieru z sabora Śviatoha Stefana ŭ Vienie, jakija dapamahali padčas pracy.
Ci možna ŭ Biełarusi zabicca, zvaliŭšysia ŭ padziemny pierachod?4
Kamientary