«Niedapuščeńnie pry praviadzieńni ekskursij subjektyŭnych niekarektnych acenak». Minsportu vyznačyła patrabavańni da ekskursavodaŭ i hidaŭ-pierakładčykaŭ
Pastanovaj Ministerstva sportu i turyzmu ad 4 lipienia 2023 h. № 33 vyznačyli «prafiesijnyja i etyčnyja patrabavańni da ekskursavodaŭ i hidaŭ-pierakładčykaŭ». Naturalna, stvaralniki dakumienta prykłali ŭsie namahańni, kab maksimalna zahnać śpiecyjalistaŭ u hetaj halinie ŭ prakrustaŭ łožak dziaržaŭnych ideałahičnych pastułataŭ.
![](http://nashaniva.com/img/w840d4webp1/photos/z_2023_07/8f9265fa7e94754d47500e59d4f843f6-2w0u9.jpg.webp)
Dekłarujecca, što «dziejnaść ekskursavoda, hida-pierakładčyka pavinna ažyćciaŭlacca na asnovie pryncypaŭ zakonnaści, kampietentnaści, spraviadlivaści i dobrasumlennaści».
Ad ekskursavodaŭ i hidaŭ patrabujucca ŭ abaviazkovym paradku «prajava pavahi da dziaržaŭnych simvałaŭ Respubliki Biełaruś, historyi raźvićcia biełaruskaj dziaržaŭnaści, kulturnych i duchoŭnych tradycyj Biełarusi i zachavańnia jaje historyka-kulturnaj spadčyny».
Taksama jany musiać «farmiravać ujaŭleńnie pra Biełaruś jak pra krainu, pryvabnuju dla turystaŭ, ekskursantaŭ» i «nie dapuskać pry praviadzieńni ekskursij subjektyŭnych niekarektnych acenak i vykazvańniaŭ ab Biełarusi dy inšych dziaržavach».
Bolš za toje, akramia abmiežavańnia ŭ vykazvańniach samich siabie, ekskursavody taksama
pavinny «prymać miery pa niedapuščeńni z boku turystaŭ, ekskursantaŭ abo inšych asob niekarektnych, pravakacyjnych dy inšych niehatyŭnych vykazvańniaŭ abo dziejańniaŭ».
Ad ekskursavodaŭ patrabujucca viedy nie tolki pa historyi, etnahrafii, kultury, ekanomicy, pryrodna-hieahrafičnych asablivaściach, ale i pa «ŭnutranaj i vonkavaj palitycy krainy». Jak možna zdahadacca, samastojnych dumak adnosna hetaj palityki dapuskać nie płanujuć.
Pastanova nabudzie moc paśla jaje aficyjnaha apublikavańnia.
Prapahandysty razdali parady panskamu majontku «Suła». Lepš by jany maŭčali
«Prapahandujuć polski składnik našaj historyi». Łukašysty apałčylisia na park «Suła»
«Dla danosčykaŭ čyrvonaja anuča — kali hid nazyvaje Minsk Mienskam». Što adbyvajecca z ekskursavodami ŭ Biełarusi
«Praściej tady adrazu jechać tudy na aŭtazaku»
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja
![](http://nashaniva.com/img/w450h300crop1webp1/photos/stock/viachorka3-aajnw.jpg.webp)
Kamientary
stajać kałupajucca u nasu?
ninarmalnyja ci što?
Vydať každomu po mini-ukv radioprijemniku s pierieklučienijem po sootvietstvujuŝim kanałam.
Raśpisať maršruty-
1) domik RSDRP.
2) SOVIETSKIJ MINSK.
3) partizany i podpolšiki.
4)......
666) Vybory piervoho i poślednieho
p.s. Vmiesto ekskursovoda sotrudnik i pomoŝnik-stažior dla vyjavlenija tiech, kto płocho apłodirovał.
Ekskursiju zasčityvať za aktivnoje učastije v zavodskoj/orhanizacionnoj ježieniedielnoj obiazatielnoj piatiminutkie.