«Atłant» vypuścić chaładzilniki i pralnyja mašyny, jakimi možna kiravać praz smartfon
Chaładzilnik i pralnuju mašynu z funkcyjaj dystancyjnaha kiravańnia z dapamohaj śpiecyjalnaj prahramy na smartfonie abo płanšecie nieŭzabavie zapuściać u sieryjnuju vytvorčaść na zavodzie «Atłant». Chaładzilnik źjavicca pry kancy 2023 hoda, a pralnaja mašyna — u 2024-m.
Jak paviedamiŭ hienieralny dyrektar ZAT «Atłant» Dźmitryj Sakałoŭski BiełTA, ekśpierymientalnyja ŭzory ŭžo byli vyrablenyja i pratestavanyja.
Z dapamohaj śpiecyjalnaj prahramy na smartfonie možna budzie dystancyjna kantralavać pracu chaładzilnika, naprykład, źmianiać režymy pracy, panižać abo pavyšać tempieraturu.
U pralnych mašynach z dapamohaj toj ža prahramy možna budzie dakładniej padabrać režym myćcia — prahrama zadaść nieabchodnyja pytańni pra kolkaść bializny, jaje skład i kolery i prapanuje najlepšy varyjant. Płanujecca, što z adnoj prahramy možna budzie kiravać abodvuma bytavymi pryborami.
Zamiežnyja kampanii padobnyja chaładzilniki vyrablajuć daloka nie pieršy hod.
Za apošnija hady na «Atłancie» byli vypuščanyja madeli chaładzilnikaŭ ź sistemaj no frost. U 2023 hodzie źjavilisia pralnyja mašyny z apracoŭkaj bializny paraj. Zavieršany raboty pa abstalavańni chaładzilnikaŭ i pralnych mašyn płastykavymi detalami, ustojlivymi da ŭździejańnia bakteryj (z antybakteryjalnym pakryćciom), i nieŭzabavie možna čakać ich źjaŭleńnia ŭ prodažy.
Kamientary