Biełaruskija chirurhi praviali ŭnikalnuju apieracyju na sercy čatyrochhadovaj dziaŭčyncy
Dziaŭčyncy patrabavałasia pierasadka serca, ale jana była zanadta maleńkaj dla takoj surjoznaj apieracyi.
U RNPC dziciačaj chirurhii praviedziena apieracyja pa impłantacyi štučnaha žałudačka serca dziciaci čatyroch hadoŭ, paviedamlaje pres-słužba Minzdaroŭja.
Dyrektar RNPC dziciačaj chirurhii Kanstancin Drazdoŭski raskazaŭ, što dziaŭčynka była ŭ liście čakańnia na pierasadku serca, adnak jaje stan paharšaŭsia. Na žal, pry dyjahnazie dyłatacyjnaja kardyjamijapatyja i z vahoj 13 kh, a taksama inšymi ŭskładnieńniami pravieści apieracyju pa pierasadcy donarskaha orhana śpiecyjalisty nie mahli.
Zastavaŭsia adziny šaniec — impłantacyja štučnaha žałudačka serca. Niahledziačy na ŭsie składanaści praviadzieńnia apieratyŭnaha ŭmiašańnia, postapieracyjny pieryjad prachodzić spakojna.
Uznačaliŭ apieracyjnuju bryhadu hałoŭny pazaštatny dziciačy kardyjachirurh Ministerstva achovy zdaroŭja Kanstancin Drazdoŭski, asistavaŭ jamu viadomy kardyjachirurh z Turcyi prafiesar Umit Kiervan.
Heta adna z samych unikalnych apieracyj u Jeŭropie i druhaja takaja apieracyja ŭ krainie. Pieršaje dzicia było starejšaje — na momant apieracyi jamu było šeść hadoŭ. Pieršaja apieracyja była praviedzienaja ŭ 2022 hodzie.
Kamientary