Беларускія хірургі правялі ўнікальную аперацыю на сэрцы чатырохгадовай дзяўчынцы
Дзяўчынцы патрабавалася перасадка сэрца, але яна была занадта маленькай для такой сур'ёзнай аперацыі.
У РНПЦ дзіцячай хірургіі праведзена аперацыя па імплантацыі штучнага жалудачка сэрца дзіцяці чатырох гадоў, паведамляе прэс-служба Мінздароўя.
Дырэктар РНПЦ дзіцячай хірургіі Канстанцін Драздоўскі расказаў, што дзяўчынка была ў лісце чакання на перасадку сэрца, аднак яе стан пагаршаўся. На жаль, пры дыягназе дылатацыйная кардыяміяпатыя і з вагой 13 кг, а таксама іншымі ўскладненнямі правесці аперацыю па перасадцы донарскага органа спецыялісты не маглі.
Заставаўся адзіны шанец — імплантацыя штучнага жалудачка сэрца. Нягледзячы на ўсе складанасці правядзення аператыўнага ўмяшання, постаперацыйны перыяд праходзіць спакойна.
Узначаліў аперацыйную брыгаду галоўны пазаштатны дзіцячы кардыяхірург Міністэрства аховы здароўя Канстанцін Драздоўскі, асіставаў яму вядомы кардыяхірург з Турцыі прафесар Уміт Керван.
Гэта адна з самых унікальных аперацый у Еўропе і другая такая аперацыя ў краіне. Першае дзіця было старэйшае — на момант аперацыі яму было шэсць гадоў. Першая аперацыя была праведзеная ў 2022 годзе.
Цяпер чытаюць
Як выглядае стылёвы дом новай рэктаркі Акадэміі мастацтваў коштам паўмільёна даляраў18
Як выглядае стылёвы дом новай рэктаркі Акадэміі мастацтваў коштам паўмільёна даляраў
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары