Sanepidemsłužba nazvała vadajomy, dzie nie rekamiendavana kupacca
Na niekatorych vadajomach abmiežavana kupańnie darosłych i dziaciej, zaniatki vodnymi vidami sportu.
Abnoŭleny pieralik vadajomaŭ, u jakich nie rekamiendavana kupacca, paviedamlaje BiełTA.
Pa vynikach łabaratornaha kantrolu źniaty abmiežavańni na kupańnie i zaniatki vodnymi vidami sportu ŭ zonie adpačynku ŭ vioscy Rudaŭcy Śvisłackaha rajona. Novych prapanoŭ, jakija tyčacca zabarony kupacca i zajmacca vodnymi vidami sportu, na hetym tydni nie było.
Razam z tym dziejničajuć raniej uviedzienyja abmiežavańni na kupańnie dziaciej na race Muchaviec (plaž «Uschod» u Breście, plaž sanatoryja «Nadzieja» Žabinkaŭskaha rajona Bresckaj vobłaści) i race Prypiaci ŭ Mazyry (dźvie pravabiarežnyja zony adpačynku pa vulicy Savieckaj — u rajonie viaślarnaj bazy la žyłych damoŭ №91, 92, a taksama ŭ rajonie žyłoha doma №9).
Pa-raniejšamu jość abmiežavańni na kupańnie dziaciej i darosłych na centralnym plažy Bresta (pravy i levy bierah raki Muchaviec pa bulvary Šaŭčenki), u Kamianieckim rajonie Bresckaj vobłaści (na terytoryi dziciačaha azdaraŭlenčaha łahiera «Viarba», raźmieščanaha ŭ rajonie vioski Planta, na race Lasnoj u zonie haradskoha parku Kamianca), u zonach rekreacyi na levym bierazie raki Prypiaci ŭ Mazyry, raźmieščanych vyšej i nižej mosta, plažnaj zonie Salihorskaha vadaschovišča i vadajoma vioski Sakovičy Minskaj vobłaści.
Na niekatorych vadajomach abmiežavana kupańnie darosłych i dziaciej, zaniatki vodnymi vidami sportu.
U Homielskaj vobłaści havorka idzie pra plaž KŽUP «Śvietač» na race Biarezinie ŭ Śvietłahorsku, a taksama pra plažy Homiela («Kaskad-1» z boku vulicy Kamienščykava, «Šviedskaja horka», «Navabielicki», u mikrarajonie Kaściukoŭka).
U Minskaj vobłaści heta plaž na race Aresie ŭ Lubani, a ŭ Mahiloŭskaj vobłaści — zony rekreacyi na race Dniapro ŭ Škłovie i sažałcy ŭ vioscy Putniki Škłoŭskaha rajona, na vadajomie ŭ vioscy Vilčycy i race Dniapro ŭ vioscy Pałykavičy Mahiloŭskaha rajona. Akramia taho, u pieraliku Śviatoje voziera, sažałka Brody, haradski plaž i Facinskaja zatoka na Dniapry ŭ Mahilovie.
Ciapier čytajuć
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie39
Kamientary