Санэпідэмслужба назвала вадаёмы, дзе не рэкамендавана купацца
На некаторых вадаёмах абмежавана купанне дарослых і дзяцей, заняткі воднымі відамі спорту.
Абноўлены пералік вадаёмаў, у якіх не рэкамендавана купацца, паведамляе БелТА.
Па выніках лабараторнага кантролю зняты абмежаванні на купанне і заняткі воднымі відамі спорту ў зоне адпачынку ў вёсцы Рудаўцы Свіслацкага раёна. Новых прапаноў, якія тычацца забароны купацца і займацца воднымі відамі спорту, на гэтым тыдні не было.
Разам з тым дзейнічаюць раней уведзеныя абмежаванні на купанне дзяцей на рацэ Мухавец (пляж «Усход» у Брэсце, пляж санаторыя «Надзея» Жабінкаўскага раёна Брэсцкай вобласці) і рацэ Прыпяці ў Мазыры (дзве правабярэжныя зоны адпачынку па вуліцы Савецкай — у раёне вяслярнай базы ля жылых дамоў №91, 92, а таксама ў раёне жылога дома №9).
Па-ранейшаму ёсць абмежаванні на купанне дзяцей і дарослых на цэнтральным пляжы Брэста (правы і левы бераг ракі Мухавец па бульвары Шаўчэнкі), у Камянецкім раёне Брэсцкай вобласці (на тэрыторыі дзіцячага аздараўленчага лагера «Вярба», размешчанага ў раёне вёскі Плянта, на рацэ Лясной у зоне гарадскога парку Камянца), у зонах рэкрэацыі на левым беразе ракі Прыпяці ў Мазыры, размешчаных вышэй і ніжэй моста, пляжнай зоне Салігорскага вадасховішча і вадаёма вёскі Саковічы Мінскай вобласці.
На некаторых вадаёмах абмежавана купанне дарослых і дзяцей, заняткі воднымі відамі спорту.
У Гомельскай вобласці гаворка ідзе пра пляж КЖУП «Светач» на рацэ Бярэзіне ў Светлагорску, а таксама пра пляжы Гомеля («Каскад-1» з боку вуліцы Каменшчыкава, «Шведская горка», «Навабеліцкі», у мікрараёне Касцюкоўка).
У Мінскай вобласці гэта пляж на рацэ Арэсе ў Любані, а ў Магілёўскай вобласці — зоны рэкрэацыі на рацэ Дняпро ў Шклове і сажалцы ў вёсцы Путнікі Шклоўскага раёна, на вадаёме ў вёсцы Вільчыцы і рацэ Дняпро ў вёсцы Палыкавічы Магілёўскага раёна. Акрамя таго, у пераліку Святое возера, сажалка Броды, гарадскі пляж і Фацінская затока на Дняпры ў Магілёве.
Цяпер чытаюць
Анжаліка Мельнікава пасля знікнення набыла дзве кватэры ў Мінску100
Каментары