Vykradańni praciahvajucca: Jaŭhiena Afnahiela nieviadomyja vyvieźli pad Karaloŭ Stan
Kaardynatara hramadzianskaj kampanii «Jeŭrapiejskaja Biełaruś» zatrymali na vulicy Bialinskaha, pasadzili ŭ bieły lehkavik i vyvieźli ź Minska.
Kaardynatara hramadzianskaj kampanii «Jeŭrapiejskaja Biełaruś» zatrymali na vulicy Bialinskaha, pasadzili ŭ bieły lehkavik i vyvieźli ź Minska.
Historyja z vykradańniami moładzievych aktyvistaŭ praciahvajecca. Siońnia, 6 śniežnia, nieviadomyja zatrymali kaardynatara hramadzianskaj kampanii «Jeŭrapiejskaja Biełaruś» Jaŭhiena Afnahiela. «A 16-j u mianie była pryznačanaja sustreča kala zavodu «Łuč». Čałaviek, ź jakim ja musiŭ sustrecca, spaźniaŭsia. Da mianie padyšli dva čałavieki ŭ cyvilnym, pakazali milicejskija paśviedčańni i paprasili pakazać źmieściva zaplečnika. Ničoha cikavaha dla siabie nie znajšli i syšli. Potym pobač źjaviŭsia milicyjant u formie z racyjaj, nie adychodziŭsia daloka. Ja sieŭ u aŭtobus i dajechaŭ da Bialinskaha. Tam na prypynku mianie i schapili. Zapichnuli ŭ bieły lehkavik i pavieźli. U aŭto było try čałavieki akramia mianie. Niedzie 20 chvilin vazili pa horadzie, hałavu mnie nachilili , kab nie hladzieŭ u akno. Potym pajechali za horad. Praz peŭny čas zbočyli z trasy niedzie z kiłamietr jechali. A tam mianie i vysadzili, addali fotaaparat, praŭda biez akumulatara, i telefony, z adnaho batareju vyciahnuli», – raspavioŭ NN Jaŭhien. Pa jaho słovach, pierad tym jak zbočyć z trasy, jon zaŭvažyŭ darožny ŭkazalnik na Karaloŭ Stan. Ciapier jon pabačyŭ znak z nadpisam Žukaŭ Łuh. Pa Jaŭhiena vyjechali siabry ź Minska.
Nahadajem, što ŭčora, 5 śniežnia, nieviadomyja vykrali lidera «Maładoha Frontu» Źmitra Daškieviča. Pa słovach Źmitra, ranicaj jaho schapili nieviadomyja, advieźli ŭ Łahojski rajon za 70 km ad stalicy, dzie prosta vykinuli z aŭto.
-
U Biełarusi pradajecca redkaja manieta, jakuju možna vykarystoŭvać jak abjektyŭ u fotaaparacie. Što za jana?
-
U biełaruskaj kramie izrailskija avakada kaštujuć tańniej, čym ajčynnyja ahurki
-
Biełarusy raskazali, jak 20 dzion chadzili pa arktyčnaj hłuchmieni. Ciapier tam jość pieravały Vasila Bykava i Uładzimira Karatkieviča
Ciapier čytajuć
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra3232
Kamientary