Jaho zatrymali 11 kastryčnika 2022 hoda i abvinavacili ŭ arhanizacyi i padrychtoŭcy dziejańniaŭ, što hruba parušajuć hramadski paradak, albo aktyŭnym udziele ŭ ich (č. 1 art. 342). Da suda Alaksandr utrymlivaŭsia ŭ SIZA №1 Minska, piša «Viasna».
Alaksandr Kulbačka — saŭładalnik adnaho ź vinnych baraŭ Minska, u 2017 hodzie byŭ pryznany «najlepšym samielje Biełarusi», jon — viadučy telehram-kanała «Saša i vino». Maje na ŭtrymańni niepaŭnaletnich dziaciej.
Pavodle materyjałaŭ abvinavačańnia, Kulbačka sa žniŭnia da kastryčnika 2020 hoda čatyry razy braŭ udzieł u masavych akcyjach pratestu, pry hetym u roznych miescach Minska «stajaŭ i ruchaŭsia pa prajeznaj častcy daroh i vulic, błakavaŭ šlach transpartnym srodkam, nie padparadkoŭvaŭsia patrabavańniam supracoŭnikaŭ milicyi».
Razhlad spravy adbyŭsia ŭ sudzie Kastryčnickaha rajona Minska jašče 28 lutaha. Sudździa Ina Siviec pryznačyła Alaksandru abmiežavańnie voli biez nakiravańnia ŭ PUAT terminam na try hady («chatniaja chimija).
A 24 sakavika 2023 hoda jon byŭ uniesieny ŭ pieralik hramadzian, jakija majuć dačynieńnie da ekstremisckaj dziejnaści.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?12
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary