Kolkaść IP skaračajecca. Jak heta ŭpłyvaje na sabranyja padatki i čamu tendencyja praciahniecca

Pradprymalnikaŭ mienšaje, a padatkovyja adličeńni rastuć

U Hrodzienskaj vobłaści pa stanie na 1 lipienia 2023 hoda na padatkovym uliku znachodziłasia 27 409 indyvidualnych pradprymalnikaŭ. Heta na 4,3 pracenta, abo 1218 IP, mienš, čym było hodam raniej.

Pry hetym, niahledziačy na skaračeńnie ahulnaj kolkaści IP, padatkovyja adličeńni ŭ biudžet ad indyvidualnych pradprymalnikaŭ pavialičylisia.

«U paraŭnańni z anałahičnym pieryjadam minułaha hoda pastupleńni pavialičylisia ŭ supastaŭnych cenach na 7,2 młn rubloŭ, abo 15,7 pracenta», — paviedamlajuć padatkovyja orhany.

Padobnaja situacyja i ŭ Bresckaj vobłaści. Tam za hod kolkaść IP skaraciłasia amal na dvie tysiačy — z 36,4 da 34,3 tysiačy. Ale padatkovyja adličeńni ad IP, jak i ŭ Hrodzienskaj vobłaści, pavialičylisia.

Inšyja rehijony krainy pry publikacyi infarmacyi pra abjomy padatkovych adličeńniaŭ vyrašyli nie pakazvać, jak źmianiłasia kolkaść IP u rehijonie.

Što tyčycca Minska, to tam jašče z 17 žniŭnia 2021 hoda była prypyniena rehistracyja novych indyvidualnych pradprymalnikaŭ. Pa stanie na 1 žniŭnia ŭ Minsku byŭ zarehistravany 72 741 pradprymalnik, što na 7,1% mienš, čym hodam raniej.

Pavialičyć

Jak źmianilisia ŭmovy pracy IP za apošnija hady?

Apošnija hady ŭłady sistematyčna pavialičvajuć padatkovuju nahruzku na IP. Pieršyja surjoznyja źmieny adbylisia 1 studzienia 2022 hoda. Tady staŭki adzinaha padatku ŭ zaležnaści ad vidaŭ dziejnaści pavialičyli ŭ 2—4 razy, taksama z 5 da 6% padniali staŭku padatku pry vykarystańni sproščanaj sistemy padatkaabkładańnia (dalej SSP). Paralelna z hetym mnohich IP pazbavili prava pracavać pa SSP. Tamu bolšaść z tych, chto da 2022 hoda mieŭ mahčymaść płacić padatki ŭ pamiery 5% ad abarotu, byli vymušanyja pierajści na padachodny padatak sa staŭkaj 16%.

Z nadychodam 2023 hoda biełaruskija IP całkam zhubili mahčymaść pracavać z vykarystańniem SSP. Staŭki padachodnaha padatku taksama vyraśli z 16 da 20%. Pamier stavak adzinaha padatku ŭ zaležnaści ad vidaŭ dziejnaści znoŭ vyras — ad 1,5 da 3 razoŭ.

Z 2024 hoda ŭłady čarhovy raz płanujuć padniać staŭku padachodnaha padatku z 20% da 25%.

Pavialičyć

Aproč taho, z 2023 hoda biełaruskich pradprymalnikaŭ pazbavili šerahu lhot pa adličeńniach u FSAN. Tak, z hetaha hoda rabić adličeńni ŭ FSAN musiać i tyja, chto paralelna z pradprymalnickaj dziejnaściu znachodzicca ŭ pracoŭnych, a taksama źviazanych ź imi adnosinach. Pamier uznosaŭ u FSAN składaje 35% ad minimalnaj zarabotnaj płaty. Heta 194 rubli na biahučy momant.

Jakija jašče źmieny ŭłady rychtujuć dla IP? 

Niahledziačy na skaračeńnie kolkaści IP, ułady vyrašyli nie abmiažoŭvacca padniaćciem padatkovaj nahruzki i skasavańniem ilhot pa adličeńniach u FSAN. Ułady zanialisia stvareńniem śpisaŭ vidaŭ dziejnaści, jakimi nielha budzie zajmacca, pracujučy ŭ jakaści IP. 

Pačynajučy z 1 lipienia IP bolš nie maje prava zajmacca arhanizacyjaj kancertaŭ i inšych vidoviščnych mierapryjemstvaŭ. Tym, chto pažadaŭ praciahnuć dziejnaść, daviałosia stvaryć jurydyčnuju asobu.

Miarkujecca, što indyvidualnyja pradprymalniki, čyje vidy dziejnaści nie patrapiać u zaćvierdžany śpis, da 2025 hoda buduć vymušanyja adkryć jurydyčnuju asobu, ci spynić dziejnaść, ci, naprykład, adyści ŭ cień. Pačatkova płanavałasia, što hetyja źmieny nabuduć moc z 1 lipienia 2023 hoda, ale paźniej stała viadoma, što razhlad zakonaprajekta adkłali na vosień.

Čytajcie taksama: 

Biełaruskim IP ułady pastupova ŭskładniajuć žyćcio. A na jakich umovach pracujuć pradprymalniki ŭ Polščy i Litvie?

Kolki za miesiac zarablaje kiroŭca, jaki adpracavaŭ 30 dzion

U Minsku zarobki ŭpali, a ŭ rehijonach vyraśli. Jak takoje mahčyma?

Padličana da rubla. Ministr ekanomiki raskazaŭ, jakim budzie zarobak u nastupnym hodzie

• 1
• 2
• 0
• 0
• 16