Aryna Sabalenka, pieršaja rakietka śvietu: kachańnie i maŭčańnie

Sabalenka atrymaje zvańnie pieršaj rakietki paśla vyletu z turniru svajoj hałoŭnaj supiernicy — polki Ihi Śviontak. Taja prajhrała ŭ čverćfinale Alenie Astapienka z Łatvii i takim čynam nie zmahła abaranić svoj letašni tytuł čempijonki US Open. Śviontak hublaje dźvie tysiačy rejtynhavych bałaŭ, i na viaršyni suśvietnaha žanočaha rejtynha akazvajecca Aryna.

Voś jak jana da hetaha išła.

Z parnych tytułaŭ — da pieršaj rakietki śvietu

Arynie 25 hadoŭ, jana rodam ź Minska, pačała prafiesijnuju karjeru ŭ 2015 hodzie 17-hadovaj. 

U krasaviku 2018-ha, paśla pieramohi na turniry ŭ šviejcarskim Łuhana, uvajšła ŭ top-50 suśvietnaha rejtynha. Da kanca taho hoda adoleła jašče i turniry ŭ Ńju-Chejvienie i Uchani, vyjšła ŭ čverćfinał adkrytaha čempijanatu Kitaja i ŭ vyniku sustreła 2019-y na 11-m radku rejtynha.

U nastupnym hodzie Aryna dadała ŭ parnaj hulni, vystupajučy ź bielhijkaj Elize Miertens, i trapiła ŭ top-10 suśvietnaha rejtynha. Razam ź Miertens biełaruska vyjhrała US Open u parnym razradzie — heta byŭ pieršy ŭ jaje žyćci trafiej na turniry Vialikaha šlema.

2020-y byŭ dla Sabalenka nie nadta jarkim, za vyklučeńniem niekalkich turniraŭ. Tak, na češskim spabornictvie J&T Banka Ostrava Open 2020 jana adoleła ŭ finale inšuju biełarusku, Viktoryju Azaranka, a ŭ listapadzie pieramahła ŭ turniry Žanočaj tenisnaj asacyjacyi ŭ Lincy.

A voś z nastupnaha hoda Sabalenka vyjšła na novy ŭzrovień. Razam ź Miertens Aryna ŭziała ŭ 2021 hodzie trafiej Australian Open u parnym razradzie. U vieraśni taho ž hoda biełaruska dajšła da paŭfinału US Open, a ŭ studzieni 2023-ha ŭziała svoj pieršy «Vialiki šlem» u adzinočnym razradzie — vyjhrała Australian Open.

Raman Sabalenka i Kalcova

U spartovych kołach viedajuć Arynu i pa mudrahielistaj historyi kachańnia. Jaje partnior — Kanstancin Kalcoŭ, eks-chakieist, jaki niekali hulaŭ u NCHŁ, a taksama vystupaŭ za kamandu Łukašenki padčas adnaho z kaladnych chakiejnych turniraŭ. U 2006-m Kanstancin ažaniŭsia, u šlubie naradziłasia troje synoŭ — Alaksandr, Daniła i Stefan (apošni źjaviŭsia na śviet u 2019 hodzie). 

U 2020-m Sabalenka i Kalcoŭ stali źjaŭlacca paasobku na roznych mierapryjemstvach, dzie mieli mahčymaść kamunikavać. U krasaviku taho ž hoda žonka Kalcova Julija apublikavała ŭ instahramie post pra razryŭ z mužam, asobna adznačyŭšy «dziaŭčat, jakija visnuć na čužych mužčynach z małymi ŭ siamji». Cikava, pra kaho heta jana tak?

Na toj čas Kalcoŭ pracavaŭ asistentam u chakiejnym minskim «Dynama», i Arynu pačali ŭsio čaściej zaŭvažać na hulniach hetaha kłuba. U internecie źjaviłasia fota z aeraporta, dzie padobny da Kalcova čałaviek vypraŭlaŭ Arynu ŭ palot.

A ŭ 2021-m para ŭvohule pierastała chavać svaje adnosiny. Spačatku praz kamientary pad pastami adno adnaho, potym praz sumiesnyja fota jany dali zrazumieć, što raman u razhary.

Apošni na siońnia post pra Kalcova ŭ instahramie Aryny apublikavany 17 krasavika. «Ty moj samy rodny čałaviek, najlepšy siabar i maja samaja mocnaja padtrymka», — takimi słovami jana vinšuje kachanaha z dniom narodzinaŭ.

Tym časam, hledziačy na instahram eks-žonki Kalcova Julii, traich dziaciej jana vychoŭvaje sama. Praŭda, chutčej za ŭsio, nie biaduje: apošnija fota ŭ jaje instahramie — ź plaža i ŭ atačeńni palmaŭ.

Maŭčyć pra vajnu i palityku

U 2020-m, paśla sfalsifikavanych vybaraŭ, Aryna Sabalenka nie ściarpieła i vykazałasia ŭ instahramie: «Ja nie mahu pavieryć, što ŭsio heta adbyvajecca ŭ majoj mirnaj rodnaj Biełarusi. Ja nie mahu spać užo čaćviortuju noč. Ja nie mahu hladzieć na žorstkaść u adnosinach da biezabaronnych ludziej. Navošta? Kali łaska, spynicie hvałt!!!»

Ale heta byŭ tolki adzin raz, dalej Aryna maŭčała, navat kali jaje malili vykazacca. Adkazvała jana ŭ instahramie rezka, naprykład, voś tak: «Para b užo parazumnieć. Nu ničoha, i takich ziamla nosić, na žal». U kancy 2020-ha Sabalenka padpisała praŭładny list spartoŭcaŭ, a taksama źniałasia ŭ navahodniaj pramovie — 2021 Alaksandra Łukašenki. Turmy krainy tym časam zapaŭnialisia palitviaźniami.

Paśla napadu Rasii na Ukrainu pra Arynu i jaje maŭčańnie znoŭ zahavaryli. Pres-kanfierencyi Sabalenka, dzie jana nie adkazvała na vostryja pytańni pra vajnu, traplali ŭ zahałoŭki navin i časam navat admianialisia, a ŭkrainskija tenisistki admaŭlalisia ad paciskańnia jaje ruki paśla matčaŭ.

Tolki ŭ červieni 2023-ha Aryna vykazałasia pra vajnu: «Ja nie padtrymlivaju vajny, to-bok nie padtrymlivaju Łukašenku jakraz ciapier». A taksama raskazała ŭ epizodzie sieryjała pra tenis, što ŭ pačatku vajny ledź nie skončyła karjeru praź nieluboŭ da biełaruskich i rasijskich hulcoŭ, jakaja tady ŭźnikła. I abviaściła ŭ lipieni 2023-ha, što bolš pra palityku havaryć nie budzie.

Ciapier Sabalenka — pieršaja rakietka śvietu, ale šlejf minułaha za joju ciahniecca. Ëj nie chapiła śmiełaści skazać nie tolki «Ja suprać dyktatury i represij», ale navat — «Ja suprać vajny». A niaščyraść vyklikaje nieluboŭ. Tamu Sabalenka naroŭni z Domračavaj, Niedasiekavym dy niekatorymi inšymi čempijonami stała čałaviekam, jakoha biełarusy masava dyzłajkajuć, a hledačy ŭ mnohich krainach śvietu — aśvistvajuć.

«Heta jak plunuć maim rodnym u tvar». Arynie Sabalenka nie pacisnuli ruku na US Open

«Ja razumieju, čamu jany nie paciskajuć nam ruki. Jana nie zasłužyła, kab jaje tak pravodzili z korta». Sabalenka pra toje, što trybuny aśvistali Kaściuk

Nie vytrymała cisku? Čamu Sabalenka pryznałasia, što nie padtrymlivaje vajnu

• 28
• 0
• 5
• 17
• 5
• 8
• 17
• 0