Siońnia ŭ čatyroch hrupach futbolnaj Lihi čempijonaŭ adbuducca matčy zaklučnaha turu.
U hrupie A miesca ŭ plej‑of daterminova zabiaśpiečyŭ sabie francuzski «Bardo» (13 bałaŭ), jaki siońnia zhulaje ŭ haściach u aŭtsajdera — izrailskaha «Makabi» (0). A voś uładalnik druhoj pucioŭki ŭ 1/8 finału vyznačycca ŭ Turynie, dzie «Juvientus» (8 bałaŭ) budzie prymać miunchienskuju «Bavaryju» (7 bałaŭ).
Matč hrandaŭ jeŭrapiejskaha futboła biełaruskija amatary sportu zmohuć ubačyć u pramym efiry Pieršaha telekanała ŭ 21.35.
Anhlijski «Mančester Junajted», jaki vystupaje ŭ kvartecie B, užo vyrašyŭ prablemu vychadu ŭ nastupny raŭnd, nabraŭšy 10 bałaŭ. Siońnia lider budzie hulać u haściach ź niamieckim «Volfsburham», u jakoha 7 bałaŭ. Stolki ž i ŭ rasijskaha CSKA, jaki vystupić u haściach u tureckaha «Biešyktaša», jaki maje ŭ svaim aktyvie 4 bały.
Repartaž z Stambuła vyjdzie ŭ efir na telekanale «NTV‑Biełaruś» u 23.15.
U hrupie S na dźvie pucioŭki ŭ plej‑of pretendujuć adrazu try kamandy. Heta madrydski «Reał» (10 bałaŭ), jaki zhulaje ŭ haściach u adnaho z svaich kankurentaŭ francuzskaha «Marsela» (7), a taksama italjanski «Miłan» (8), jaki hulaje na vyjeździe z aŭtsajdaram šviejcarskim «Ciurycham» (3). Sustreču ispanskaha i francuskaha kłubaŭ možna pahladzieć na Pieršym kanale ŭ 01.30.
U kvartecie D ŭ 1/8 finału daŭno vyjšli łondanski «Čełsi» (13) i partuhalski «Portu» (9). A voś na treciaje miesca pretendujuć ispanskaja «Atletyka», jaki maje 3 bały, i kiprski «Apoel», u jakoha na adzin bał mienš. Londancy siońnia prymajuć kipryncaŭ, a icpanskaja družyna ŭ Madrydzie pasprabuje abhulać partuhalcaŭ.
Kamientary