Pa susiedstvie z čynoŭnikami i miljanierami. Jakija katedžy pradajuć u Drazdach
Pahladzieli, jakija katedžy i pa jakich cenach pradajuć u elitnym mikrarajonie.
Dom, u jakim nichto nie žyŭ
Samy darahi dom u Drazdach acenieny ŭ 3,05 młn dalaraŭ. Stolki prosiać za katedž na 305 m² na Siomkaŭskim zavułku, jaki staić na ŭčastku pamieram 15 sotak. Žytło całkam hatovaje dla zasialeńnia. Dom častkova meblavany, hod zaviaršeńnia pabudovy — 2023. U domie jašče nichto nie žyŭ.
Terytoryja abstalavanaja ŭłasnaj sistemaj videanazirańnia i sistemaj «razumny dom». U katedžy majecca saŭna i nievialički basiejn, u jakim možna tolki akunucca.
Na ŭčastku vykanany łandšaftny dyzajn. Dom znachodzicca niepadalok ad vadaschovišča Drazdy.
U domie zrobleny dyzajnierski ramont z vykarystańniem darahich materyjałaŭ italjanskaj i amierykanskaj vytvorčaści, havorycca ŭ apisańni.
Kłasičny katedž
Nastupny pa darahoŭli dom u Drazdach kaštuje na 50 tysiač dalaraŭ mienš.
Roŭna za try miljony dalaraŭ pradajecca katedž z ahulnaj płoščaj 437 «kvadrataŭ» na vulicy Račnoj. Katedž byŭ pabudavany ŭ 2005 hodzie.
Dom dvuchpaviarchovy, na cokalnym paviersie znachodziacca: pamiaškańnie-siejf, biljardavaja, dźvie kładoŭki z asobnaj vientylacyjaj i zonami abstalavanymi dla zachoŭvańnia harodniny.
Aproč asnoŭnaha doma na 15 sotkach staić łaźnia z basiejnam, pabudavanaja z brusu. Jość terasa, pakoj dla adpačynku z marmurovaj abahravalnaj lažankaj, zona dla barbiekiu.
Ramont u domie vykanany z namiokam na kłasičny styl. Na pieršym paviersie znachodzicca haścioŭnia, kuchnia-stałovaja i pakoj dla haściej z sanvuzłom.
Na druhim uzroŭni znachodziacca: dźvie spalni, dva sanvuzły, kabiniet i harderobny pakoj.
Dom z basiejnam i aharodam
Dom za 2,75 młn dalaraŭ pradajuć na Ahatavym zavułku. Ahulnaja płošča doma 2006 hoda pabudovy — 871 m².
Na ŭčastku pamieram 15 sotak vykanany łandšaftny dyzajn, ale, jak paznačana ŭ apisańni, znajšłosia miesca i dla aharodu.
Na mansardavym paviersie znachodziacca pakoj ź biljardnym stałom, nievialičkaja spartyŭnaja zała, pakoj z tenisnym stałom. Harderobnaja — płoščaj ź siaredniestatystyčnuju dvuchapakajoŭku (51 m²).
Dla adpačynku tut jość altanka z zonaj barbiekiu na vulicy, a taksama saŭna i basiejn na cokalnym paviersie.
«U hetym domie jość usio, pra što vy maryli: nie tolki vialiki pryhožy dom, ale i miesca, dzie vy možacie adčuvać siabie kamfortna i ŭtulna, dzie vy možacie bavić čas sa svajoj siamjoj i siabrami, atrymlivać asałodu ad cišyni i spakoju, a taksama zabaŭlacca i zajmacca lubimym chobi», — piša pradaviec, dadajučy da pieravah «zyčlivych reśpiektabielnych susiedziaŭ».
Varyjant sa SPA
U 2 młn 300 tysiač aceńvajuć dom u sučasnym styli. Za hetyja hrošy abiacajuć hatovy katedž biez čystavoj adziełki z dobraŭparadkavanym ŭčastkam. Jość haraž i zona SPA, taksama ŭ hety košt uvachodzić leśvica na druhi pavierch.
Znachodzicca budoŭla na vulicy Vierbnaj. Ahulnaja płošča pabudovy składaje amal 500 «kvadrataŭ», žyłaja — pad 350 m². Pamier učastka — 12 sotak.
Vysokija stoli i hołyja ścieny
Na vulicy Vierbnaj za 1,3 młn dalaraŭ pradajecca niezavieršanaje budaŭnictva. Ahulnaja płošča doma 590 m². Učastak — 15 sotak.
Na ŭčastku šmat budaŭničych materyjałaŭ, a ŭnutry — hołyja ścieny.
Druhi pavierch mansardavaha typu, ale z vysokimi stolami — jak paznačana ŭ apisańni, na piku jany dasiahajuć 5,2 mietra.
Zatoje ŭ Drazdach
Ale, kab žyć u adnym z samych elitnych rajonaŭ stalicy, nie abaviazkova być dalaravym miljanieram. Dastatkova — rublovym.
Tak, u Drazdach pa zavułku Vieśninka za 1,200 młn rubloŭ, ci kala 346 tysiač dalaraŭ, pradajecca pałova doma 1972 hoda pabudovy razam z kavałkam ziamli na 7,5 sotak.
Čytajcie taksama:
Z kaminam, piłonam i sa śviatłamuzykaj. U Viciebsku pradajecca ŭnikalny haraž
U «Novaj Baravoj» źjaviacca kvatery płoščaj usiaho 20 «kvadrataŭ». Jakaja cana?
Ciapier čytajuć
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3434
Kamientary