U Minsku dabudavali vializnaje novaje pasolstva Kitaja. Pryčym heta ceły kompleks budynkaŭ
Kala Pałaca Niezaležnaści na praśpiekcie Pieramožcaŭ u Minsku vizualna skončana budaŭnictva kompleksu budynkaŭ pasolstva Kitaja. Budynki ŭžo azdoblenyja i pafarbavanyja. Realt.by pahladzieŭ, jak usio heta ciapier vyhladaje.
Kompleks budynkaŭ pasolstva Kitaja znachodzicca pamiž handlova-zabaŭlalnym centram «Zamak» i pasolstvami Kazachstana i Turkmienistana. Hetaja ziamla pieradadziena dyppradstaŭnictvu ŭ arendu za adzin dalar u hod na 70 hadoŭ — z vosieni 2018-ha pa vosień 2088 hoda.
Budynki pafarbavanyja, u dvary ŭžo zroblena azielanieńnie, pobač chodzić achoŭnik.
Akramia pasolstva, u kompleksie raźmieściacca kvatery supracoŭnikaŭ i dapamožnyja budynki.
Pasolstva płanavali zdać sioleta. Vierahodna, heta i atrymajecca. A dalej — pierajezd siudy dypmisii Kitaja ź Bieraścianskaj.
Usia hetaja historyja pačałasia z taho, što ŭ 2010 hodzie Biełaruś i Kitaj damovilisia dać adno adnamu ziamielnyja ŭčastki ŭ doŭhaterminovuju arendu dla budaŭnictva dyppradstaŭnictvaŭ. Tak, biełaruski bok atrymaŭ u arendu ziamielny ŭčastak u Piekinie płoščaj kala 0,5 ha, na jakim užo raźmieščany budynak pasolstva, a kitajski bok — hety ziamielny ŭčastak płoščaj 1,5 ha ŭ Minsku.
U Biełaruskaj pravasłaŭnaj carkvie abnavili ceńnik? Voś jakija buduć rekamiendavanyja taryfy7
Kamientary
pryčym u lepšym miescy Minska - u zialonaj zonie na bierazie Śvisłačy. tam uvohule paŭstali hihanty-pasolstvy azijatskich krain - Irana, Maskovii i inš.
voś, jak piša Anłajnier - "Piekin — stolica našieho stratiehičieskoho druha, dla kotoroho my vystupajem oknom v Jevropu. Jeśli sudiť po biełorusskomu posolstvu, my vsie-taki skorieje okoško, a nie okno." a ciapier paraŭnajcie ścipły budynačak u Piekinie - https://realt.onliner.by/2013/04/11/embassies (22 fota źvierchu) z hihantam, što pabudavali ŭ Minsku