Ježa3838

Irłandziec teściruje biełaruskija stałoŭki. Voś jakoj ź ich prapanoŭvaje dać mišlenaŭskuju zorku 

Błohier ź Irłandyi Najł Doerci (pad nikam Irish Partizan), jaki žyvie ŭ Minsku, publikuje ŭ svaim tyktoku fud-ahlady na roznyja biełaruskija stałovyja.

Irłandski błohier. Fota: jaho sacsietki

Naprykład, videa sa stałovaj BNTU (jakuju, darečy, inšaziemiec nazyvaje svaim lubimym miescam hramadskaha charčavańnia) nabrała amal 240 tysiač prahladaŭ i 10 tysiač łajkaŭ.

Abied kaštavaŭ błohieru 9 rubloŭ 49 kapiejek.

— Big dinner! — nie biez honaru skazaŭ irłandziec i prademanstravaŭ, jakija stravy atrymałasia nabyć za hetyja nievialikija hrošy.

Jon pakaštavaŭ boršč, sałatu z harodniny, piure ź miasam, niekalki koržykaŭ (ich błohier nazyvaŭ sweet bread — sałodki chleb) i kampot. Zdajecca, studenckaja ježa jamu vielmi spadabałasia, bo vierdykt byŭ «Niejmavierna!». A paśla baršču Najł uvohule vyrašyŭ, što stałovaja BNTU zasłuhoŭvaje zorki Mišlena: «Vy płacicie vialikija hrošy za ježu ŭ prystojnym restaranie. Ale voś niejmaviernaja ježa za 9 rubloŭ 49 kapiejek».

Nie ŭsie kamientatary padzialajuć jaho aptymizm: «Pamiataju, jak mnie tam mianiali sup z prusakom na sup biez prusaka — ale ŭsio roŭna toj, dzie hety prusak varyŭsia», «Kali ja tam vučyŭsia, to nazyvaŭ hetuju stałovuju Buchienvald. Tam ja ŭpieršyniu znajšoŭ prusaka ŭ kašy», «O, Buchienvald. Pamiataju siabar uziaŭ boršč, a tam hałava šproty płavała».

A heta porcyja ŭ inšaj stałoŭcy — pry Biełaruskim dziaržaŭnym ekanamičnym univiersitecie. Skrynšot videa ŭ tyktoku Irish Partizan

U stałovaj «Nalibaki» błohier uziaŭ sup-piure, bulbu sa śvininaj hryl, sałatu i kampot. A zapłaciŭ 10 rubloŭ 68 kapiejek. Tut jon byŭ bolš strymany ŭ adznakach, ale adznačyŭ: «Very nice» («Vielmi miła»).

Pabyvaŭ inšaziemiec i ŭ stałovaj Biełaruskaha dziaržaŭnaha ŭniviersiteta infarmatyki i radyjoelektroniki № 1. Tut jon vyrašyŭ pakaštavać kurynuju katletu z bulbaj fry, sałatu z buraka i višniovy kampot. Treba adznačyć uzrovień absłuhoŭvańnia: žančyna nie vielmi vietliva adreahavała na prośbu padahreć ježu. Irłandziec addaŭ za abied 5 rubloŭ 27 kapiejek. Adna z kamientatarak paraiła błohieru źjeździć u Hrodna ŭ Hrodzienski dziaržaŭny miedycynski ŭniviersitet i pakaštavać rybnyja tefteli — kaža, što heta sapraŭdny šedeŭr.

Jašče adnym miescam, jakoje zateściŭ Najł, stała stałovaja ŭ Minsku na vulicy Krasnaj. Jon pačastavaŭsia fasolevym supam, makaronaj z rybnymi teftelami i dźviuma šklankami kampotu. Na kasie zapłaciŭ 7 rubloŭ 78 kapiejek. Ale kamientavać ježy nie staŭ.

U stałovaj na vulicy Kupreviča inšaziemiec nabyŭ salanku, piure z katletaj sa śvininy, sok. Tut rachunak akazaŭsia samym vialikim — 14 rubloŭ 50 kapiejek. Miarkujučy z kamientaroŭ błohiera, ježa jamu pryjšłasia daspadoby.

Adnojčy Irish Partizan razam ź siabram adpraviŭsia na Homielščynu i tam zazirnuŭ u stałovuju ŭ ahraharadku Uryckaje. Na 8 rubloŭ jon uziaŭ čatyry hałubcy, sałatu z buraka, harbatu.

— Kali vy chočacie pajeści sapraŭdy smačnuju, chatniuju ježu, prychodźcie ŭ takija miescy, jak heta, «kałhas», — raić mužčyna na anhlijskaj movie. Darečy, interjer stałovaj (jakaja vyhladaje davoli typova dla biełaruskaha abjekta hramadskaha charčavańnia) jamu taksama padabajecca.

Kamientary38

  • hierdzień
    21.10.2023
    ja sumuju za miažoju pa našych stałoŭkach
    • IMIA
      21.10.2023
      hierdzień , idzi pracavać na narmalnaje pradpryjemstva, i buduć tabie stałoŭki. I nie našmat daražej za BNTU. Tolki zarablać budzieš razoŭ u 5-10 bolš.
      Ščyra kažučy, hety nabor pa biełaruskich mierkach musiŭ by kaštavać nie bolej za 2 jeŭra.
  • Bahdan
    21.10.2023
    Vy nie dali kantekst, a darma. Hety “błohier” ź Irłandyi piepakanany ideałahičny vatnik, mienavita tamu pryjechaŭ žyć u Biełaruś padčas kovid.

    Vy b jašče padborku dopisaŭ Bondaravaj zrabili.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Stała viadoma pra aryšt žurnalistki Paliny Pitkievič

Stała viadoma pra aryšt žurnalistki Paliny Pitkievič

Usie naviny →
Usie naviny

Mask zahadaŭ usim fiederalnym čynoŭnikam ZŠA spravazdačycca, što jany robiać, abo zvolnicca21

Biełarusku zatrymali ŭ Pieciarburhu «za abrazy Łukašenki»5

U Niamieččynie pačalisia daterminovyja vybary ŭ Bundestah, jakija pryviaduć da źmieny ŭłady4

Źviestki Pientahona abviarhajuć zajavy Trampa, što ZŠA vydzielili Ukrainie $350 młrd8

Šarenda-Panasiuk patłumačyła, čamu ŭ źniavoleńni admaŭlałasia ad telefonnych zvankoŭ dadomu5

Kamanda Trampa ŭpeŭniena, što zmoža skončyć vajnu na nastupnym tydni17

«Redkaziamielnyja mietały, nafta, i ŭsio, što zmožam atrymać»: Tramp zajaviŭ, što jašče choča zamiest «układzienych va Ukrainu hrošaj»23

Biełarus adkryŭ u Varšavie studyju manikiura, dzie robiać pačvarnyja paznohci FOTY6

2025 — hod topavych kinasikvełaŭ. Praciah jakich filmaŭ varta nie prapuścić6

bolš čytanych navin
bolš łajkanych navin

Stała viadoma pra aryšt žurnalistki Paliny Pitkievič

Stała viadoma pra aryšt žurnalistki Paliny Pitkievič

Hałoŭnaje
Usie naviny →

Zaŭvaha:

 

 

 

 

Zakryć Paviedamić