Mark Formelle źniała klip z «azijatkaj u nižniaj bialiźnie» i vyklikała pałkuju dyskusiju
U čarhovaj rekłamie nižniaj bializny ad kampanii Mark Formelle u klipie źniałasia madel azijackaj źniešnaści. Hety rolik źjaviŭsia ŭ adkrytym dostupie ŭ instahramie. Mnohija karystalniki aceńvali vyklučna pradukcyju firmy. Chtości pryznaŭsia, što navat nie źviarnuŭ uvahu na dziaŭčat. Ale znajšlisia i takija, kamu nie spadabałasia, što na kadrach aktrysa, nie adpaviednaja vobrazu typovaj biełaruski. Ahulny chod dyskusii prasačyła Blizko.by.
«Niaŭžo ŭ Biełarusi pryhožyja dziaŭčaty skončylisia?» — zapytaŭsia adzin karystalnik. Inšaja taksama zadajecca pytańniem: «Jak možna pryvivać dzieciam patryjatyzm, kali navat biełaruskija trusy rekłamujuć azijaty?»
Ale takija pohlady atrymali masavy adpor:
- «Papachvaje rasizmam».
- «Jakaja roźnica?»
- «Prabačcie, a kali vykazać zdahadku, što dziaŭčyna na videa — biełaruska? Naprykład, jaje mama-biełaruska vyjšła zamuž za zamiežnaha studenta, jaki pryjechaŭ u Biełaruś vučycca, a zatym u ich naradziłasia dačka ŭ Biełarusi? Atrymlivajecca, što dačka — narodžanaja biełaruska».
- «Patryjatyzm nie maje ničoha ahulnaha ź nieluboŭju da azijataŭ. Biełarusy — častka hrupy ŭschodnich słavian, u kožnaha druhoha mama ci tata kazach, hruzin i inšaje. Biełarus — heta nie abaviazkova błakitnavoki błandyn».
- «Zhodnaja. U dački ŭ sadku adnahrupnik chłopčyk, mama kitajanka, a tata biełarus».
- «A patryjatyzm i tym bolš jaho pryščapleńnie nu nijak nie zaležyć ad nacyjanalnaści».
Pradstaŭniki Mark Formelle adpisalisia, što, pa-pieršaje, usie ŭdzielnicy klipa — biełaruski. A pa-druhoje, dzieciam treba pryvivać nie tolki patryjatyzm, ale i mižnacyjanalnuju talerantnaść. Asabliva ŭličvajučy toje, što ŭ Biełarusi žyvuć (i nazyvajuć siabie biełarusami) pradstaŭniki samych roznych ras.
Zrešty, pieravažnaja bolšaść karystalnikaŭ acaniła klip sa znakam plus i adznačyłasia zachoplenymi kamientarami.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?10
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary