Stała viadoma, u čym vinavaciać byłych supracoŭnic śvietłahorskaha telekanała «Ranak»
MUS daŭ spravazdaču ab zatrymańni i zaviadzieńni kryminalnaj spravy ŭ dačynieńni da byłych supracoŭnic telekanała «Ranak», jakich zatrymali 7 śniežnia.
Apieratyŭniki dali spravazdaču, što zatrymali dźviuch žycharak Śvietłahorska (39 i 41 hady). Jašče adzin fihurant spravy — 53-hadovy mužčyna, pavodle MUS, «schavaŭsia za miažoj».
Pavodle MUS, fihuranty spravy «ŭ 2020 hodzie stvaryli i administravali hrupu ŭ Telegram».
«U joj drukavałasia infarmacyja, nakiravanaja na arhanizacyju, padrychtoŭku i ździajśnieńnie masavych biesparadkaŭ, supraciŭ supracoŭnikam pravaachoŭnych orhanaŭ z metaj zamachaŭ na niezaležnaść, terytaryjalnuju cełasnaść, asnovy kanstytucyjnaha ładu našaj krainy. Svaje destruktyŭnyja pohlady jany prasoŭvali i praź infarmacyjnyja resursy teleradyjokampanii», — śćviardžaje MUS.
Śledčymi zaviedziena kryminalnaja sprava za stvareńnie ekstremisckaha farmavańnia.
7 śniežnia stała viadoma pra pieratrusy ŭ Ludmiły Andenka (karespandentka) i Julii Daŭletavaj (byłaja hałoŭnaja redaktarka «Ranka»).
Była infarmacyja, što žančyn zatrymali ŭ miežach kryminalnaj spravy pa art. 361-4 KK (sadziejničańnie ekstremisckaj dziejnaści).
11 červienia ŭ Śvietłahorsku byli zatrymanyja vosiem supracoŭnikaŭ telekanału «Ranak». Sapraŭdnaj pryčynaj dla zatrymańnia moh stać siužet pra vybuch na Śvietłahorskim CKK, u jakim zahinuli try čałavieki.
U vieraśni telekanał pryznali «ekstremisckim farmavańniem». Były redaktar «Ranka» Andrej Lipski źjechaŭ z krainy.
«Pavinien vyjści Pačobut». Polski ministr Sikorski znoŭ zahavaryŭ pra mahčymaje zakryćcio miažy dla hruzaŭ12
Kamientary