2009 hod prajšoŭ pad znakam fiestyvalaŭ i jubilejeŭ. Taksama sioleta niezaležnaja muzyka prarvałasia na telebačańnie.
2009 hod prajšoŭ pad znakam fiestyvalaŭ i jubilejeŭ. Taksama sioleta niezaležnaja muzyka prarvałasia na telebačańnie.
A zorkaj №1 praciahvaje zastavacca «Lapis Trubiacki». Siarhiej Michałok atrymaŭ sioleta rok‑karonu, a taksama ŭpotajki ad svaich fanaŭ zapisaŭ novy albom «Kultpraśviet».
«Lapisy» — adziny ajčynny rok‑hurt, jaki zdoleŭ dva hady zapar źbirać dzieviać tysiač čałaviek na svoj kancert u minski Pałac sportu. Paśla byli tury pa haradach Biełarusi i ZŠA. I pastajannyja kancerty ŭ Rasii. Praŭda, nastupny hod moža ŭžo nie być «hodam «Lapisaŭ»: Michałok zadumaŭsia nad tym, kab «paru hadoŭ adpačyć» paśla takoj hastrolnaj i studyjnaj pracy.
Fiestyvali hoda
U 2009 hodzie apošni raz prajšła «Rok‑karanacyja». Nadalej jana zhubić prydomak «Rok‑» i zrobicca prosta «Karanacyjaj», što maje pryciahnuć na jaje i bolš «papsovych» muzykaŭ. Aproč taho, fiestyval robicca vandroŭnym. Sioleta jon prachodziŭ u Maładziečnie.
Naŭzamien u 2009‑m startanuŭ rok‑fiestyval BelaMusik. Na im vystupili jašče niadaŭna zabaronienyja «Krama», «Niejra Dziubiel», «Pałac», a taksama «Bieź bileta», J:MOPC, «Dziecidziaciej». Kancert byŭ niemasavy — mo zaleva adpałochała hledačoŭ, — ale arhanizatary vykazalisia za dalejšuju padtrymku BelaMusik.
Transpamiežny fiestyval Be2gether u litoŭskich Narviliškach nabiraje z kožnym hodam usio bolšy razmach. Choć Biełaruś tam prezientujuć tolki ličanyja hurty, cikavaść da jaho raście. Na siońnia heta samy blizki i samy vialiki mižnarodny rok‑fiestyval, na jaki biez prablem mohuć pajechać biełarusy. Navat šenhienskaja viza nie strymlivaje: jaje vydajuć biaspłatna tym, chto nabyŭ kvitki na Be2gether.
Toje samaje i fiestyval Be Free, jaki ŭ 2009‑m prajšoŭ u Čarnihavie. Papularaść jaho raście, ładzić fiestyval varta i nadalej. Voś tolki treba niedzie asieści, spynicca z vandravańniami. Tak, užo z 2010 fest moža zajmieć pastajannuju prapisku ŭ Čarnihavie. Prapisku pamianiaŭ i inšy fiestyval — «Rok za babroŭ». Jon pierajechaŭ z Babrujska ŭ Siličy pad Łahojskam.
A najstarejšy biełaruski rok‑fiestyval «Basovišča» sioleta adśviatkavaŭ 20‑hodździe. U honar hetaha arhanizatary admovilisia ad tradycyjnaj konkursnaj prahramy, zładzili prosta šou. Uzhadali samyja pieršyja kancerty ŭ biełastockim Haradku: N.R.M. pieraŭvasobiŭsia ŭ «Mroju», «Krama» — u «Bondu».
Źjaviŭsia sioleta i kankurent «Bardaŭskaj vosieni», što ładzicca ŭ Bielsku na Biełastoččynie. Ciapier pad Babrujskam štohod budzie pravodzicca bardaŭski fiestyval «Višniovy sad». U adroźnieńnie ad «Bardaŭskaj vosieni», na novym feście niama konkursnaj prahramy.
Byli sioleta i straty. Arhanizatary fiestyvalu «Bitłz nazaŭždy», jaki praisnavaŭ piać hadoŭ, admovilisia jaho dalej pravodzić. Paśla ŭvia¬dzieńnia novych mytnych pošlin na ŭvoz tavaraŭ sponsary admovilisia jaho padtrymlivać.
Biełarus Alaksandr Rybak
Na «Jeŭrabačańni‑2009» u Maskvie pieramoh biełarus Alaksandr Rybak. Voś tolki pradstaŭlaŭ jon Narviehiju. Ale pieramoha Rybaka na konkursie pryniesła papularnaść i našaj krainie. Pra Biełaruś zahavaryli ŭ Jeŭropie z dobraj nahody. A voś biełaruski kankursant Piatro Jałfimaŭ paśla niaŭdałaha vystupu na «Jeŭrabačańni» jašče i paskandaliŭ. «Maru chutčej dabracca da rodnaj Biełarusi i patrapić na pryjom da prezidenta, kab raskazać jamu, jak usio tut adbyvajecca», — skazaŭ pakryŭdžany śpiavak. Maŭlaŭ, nie ŭsio čysta z hrašyma, jakija vydatkoŭvalisia na padrychtoŭku da konkursu. Piotr Jałfimaŭ i zajavu adpaviednuju napisaŭ u pravaachoŭnyja orhany, što pryviało da pravierki na Biełdziaržradyjokampanii.
Nie spraŭdziŭ čakańniaŭ na dziciačym «Jeŭrabačańni» i «Čaroŭny trusik» Juryja Dziemidoviča. Chacia paraza Juravaj papularnaści nie źmienšyła. Mo tamu, što nie skandaliŭ, jak Jałfimaŭ.
Papłaŭskaja papularniejšaja za Kałduna
Amal 40% biełarusaŭ nie viedajuć nivodnaha ajčynnaha vykanaŭcy. Takija vyniki pakazała daśledavańnie sacyjałahičnaj łabaratoryi «Novak» i Biełaruskaha instytuta stratehičnych daśledavańniaŭ. Z tych, kaho nazvali astatnija, samymi papularnymi akazalisia Jadviha Papłaŭskaja i Alaksandr Cichanovič. Modny Dźmitryj Kałdun — tolki na dziasiatym miescy, paśla Alaksandra Saładuchi. Siarod hurtoŭ rejtynh uznačalili «Pieśniary». Zatym iduć «Siabry», «Vierasy»… N.R.M. — dziaviaty.
Kruhłyja daty
U 2009 hodzie spoŭniłasia sorak hadoŭ lehiendarnym «Pieśniaram». Adznačali jubilej šyroka i ŭsie pa‑roznamu. Voś tolki kožny pa‑svojmu. Bo na prastorach Biełarusi i Rasii śpiavajuć niekalki kalektyvaŭ, jakija pretendujuć na spadčynu Uładzimira Mulavina. Dvaccacihodździe sustreŭ i viečnazialony «Niejra Dziubiel». Paśla admieny zabarony na jaho kancerty hurt časta vystupaje ŭ Minsku. Pa dziesiać hadoŭ spoŭniłasia «BN» i J:MOPC. Kali «Pieśniary» i J:MOPC zapisali novyja albomy, dyk «Stary Olsa» da svajho dziesiacihodździa zasnavaŭ ceły fiestyval staražytnaj muzyki «Halšanski zamak». Jon prachodziŭ u adnajmiennym miastečku. I pa płanach arhanizataraŭ pavinien stać štohadovym.
Kancert da 15‑hodździa N.R.M. mo¬žna nazvać samym čakanym vystupam hoda. Da hetaha hurt maŭčaŭ praciahły čas, što naradziła šmat čutak. Ale N.R.M. viarnuŭsia. I jak pakazaŭ śniežański akustyčny kancert, «mrojaŭcy» viarnulisia karalami.
Pazityvy hoda
Uvosień u Minsk z kancertam pryjazdžali elektrapanki The Prodigy. Zorki takoj vieličyni ŭ Biełarusi byvajuć niačasta. Śledam za imi da nas zavitaje «Ramštajn».
Adkryćciom možna nazvać hurt The Toobes. Vydańnie ich alboma rychtujecca ŭ Anhlii. A ŭ Biełarusi albom «HELLO» sajtam Experty.by byŭ pryznany lepšym u pieršym paŭhodździ.
Niezaležnaja muzyka trapiła sioleta na dziaržtelebačańnie. Na telekanale STB zapuścili prajekt «Zorny rynh», u jakim uziali ŭdzieł «Niejra Dziubiel», «Krama», Źmicier Vajciuškievič. Ale pa‑raniejšamu takija vypadki źjaŭlajucca chutčej vyklučeńniami, čym zakanamiernaściu.
U ramkach prajekta «Tuzin. Pierazahruzka» pa‑biełarusku zaśpiavali dvanaccać raniej niebiełaruskamoŭnych vykanaŭcaŭ. Siarod ich Dakota, Juryj Dziemidovič, Siarhiej Pukst, hurty Atlantica, «Stoks».
Kamientary