Łukašenkaŭskuju «pravaabarončuju» premiju pamieram $10 tysiač dali niemcy Najdzionavaj
Stała viadoma, kamu sioleta dali zasnavanuju łukašystami mižnarodnuju «pravaabarončuju» premiju «Za mir i pravy čałavieka» z davoli salidnym pryzavym fondam.
Łaŭreatami premii pieršaj stupieni stali ŭdzielniki niamieckaha prajekta «Kryhs Kinder» Vieranika Najdzionava i Mark Bryl.
Premija «Za mir i pravy čałavieka» zasnavanaja mižnarodnym dabračynnym fondam imia Emila Čečki i maje ŭručacca štohod.
Jaje pryzavy fond 18 tys. dalaraŭ, ź jakich łaŭreat pieršaj stupieni atrymlivaje 10 tys. dalaraŭ, druhoj stupieni — 5 tys. dalaraŭ, treciaj — 3 tys. dalaraŭ.
Kryteryjami dla prysudžeńnia premii nazyvajuć «značny ŭkład łaŭreata va ŭmacavańnie pravoŭ čałavieka ŭ śviecie i ich abarony, hramadskaje pryznańnie zasłuh łaŭreata ŭ pravaabarončaj dziejnaści, a taksama sacyjalnaja značnaść dziejnaści».
Prajekt «Kryhs Kinder», pa słovach Vieraniki Najdzionavaj, nakiravany na pracu ź dziećmi vajny, «kab sabrać dziaciej vajny, jakija znachodziacca na terytoryi Hiermanii, u letnim łahiery».
Łaureatam premii druhoj stupieni stała niderłandskaja žurnalistka Sonia van den Ende, a treciaj — turecki žurnalist Akaj Deprem.
Fond, ad imia jakoha zasnavanaja heta premija, nosić imia polskaha deziercira Emila Čečki, jaki ŭ 2021—2022 hadach akazvaŭ režymu Łukašenku istotnyja prapahandysckija pasłuhi, a 17 sakavika 2022 hoda byŭ znojdzieny miortvym u kvatery ŭ Minsku. Premija zasnavali ŭ hadavinu jahonaj śmierci.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?10
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary