Na zavod z chołdynha «Haryzont» šukajuć novaha hiendyrektara. Kolki hatovy płacić?
Dniami na sajcie słužby zaniataści źjaviłasia vakansija ad kampanii «Midea-Haryzont». Na biełaruska-kitajskaje pradpryjemstva šukajuć hienieralnaha dyrektara.

Hienieralny dyrektar musić mieć techničnuju adukacyju i dośvied pracy kiraŭnikom na vytvorčym pradpryjemstvie ad 5 hadoŭ.
Aproč hetaha, ad kandydata patrabujuć vałodańnia anhlijskaj i kitajskaj movami. Jak vynikaje z apisańnia vakansii, svabodnaje vałodańnie kitajskaj — adzin z najvažniejšych kryteryjaŭ dla pracaŭładkavańnia.
Abiacanaja zarpłata — 6240 rubloŭ, abo 5366 rubloŭ paśla apłaty padatkaŭ. Pa biahučym kursie, heta kala 1680 dalaraŭ na ruki.
Pradpryjemstva «Midea-Haryzont» było zasnavana ŭ Minsku ŭ 2007 hodzie — kitajskim chołdynham Midea Group i biełaruskim chołdynham «Haryzont». Asnoŭnaja hrupa tavaraŭ, jakija vyrablajuć na sumiesnym pradpryjemstvie — mikrachvaloŭki. Pradukcyju vypuskajuć jak pad markaj Horizont, tak i Midea.
Čytajcie taksama:
Siaredni zarobak u listapadzie padros zusim krychu
Što Biełarusi vyhadniej ekanamična — imknucca ŭ ES abo zastavacca ŭ sajuzie z Rasijaj?
Kamientary