USU apublikavali videa źniščeńnia desantnych karabloŭ u buchcie Sievastopala
Apieracyju praviało Hałoŭnaje ŭpraŭleńnie raźviedki Minabarony Ukrainy. Pa karablach byŭ naniesieny ŭdar bieśpiłotnikami.
U noč z 18 na 19 krasavika 2026 hoda bajcy HUR MA Ukrainy «Pryvidy» nanieśli ŭdary pa dvuch vialikich desantnych karablach Čarnamorskaha fłotu Rasii — vialikich desantnych karablach prajekta 775 «Jamał» i prajekta 1171 «Mikałaj Filčankaŭ».
U momant udaru karabli znachodzilisia ŭ najlepš abaronienaj Sievastopalskaj buchcie. Videa padlotu bieśpiłotnikaŭ da karabloŭ Minabarony Ukrainy apublikavała 20 krasavika.
▪️ VDK prajekta 775 «Jamał» — karabiel 1988 hoda vypusku, daŭžynioj 112,5 mietra i zdolnaściu pieravozić da 500 ton hruzu, u tym liku braniatechniku i desant. Pryblizny košt karabla — bolš za 80 miljonaŭ dalaraŭ.
▪️ VDK prajekta 1171 «Mikałaj Filčankaŭ» — karabiel 1975 hoda vypusku hruzapadymalnaściu da 1000 ton, što dazvalaje pieravozić dziasiatki adzinak braniatechniki i vialiki desantny kantynhient. Pryblizny košt karabla — bolš za 70 miljonaŭ dalaraŭ.
Pa acenkach ukrainskaha boku, abodva karabli vyviedzienyja z ładu.
U miežach apieracyi raźviedčyki taksama źniščyli ŭ Sievastopali radyjołakacyjnuju stancyju «Padlot-K1». Pryblizny košt kompleksu RŁS składaje 5 miljonaŭ dalaraŭ.
Čarnamorski fłot Rasii bolš amal nie vychodzić z buchtaŭ Novarasijska, Sievastopala i Ačamčyry, ale i tam stanovicca abjektam pieryjadyčnych udaraŭ USU.
-
Rasija ciapier nie trymaje na terytoryi Biełarusi vialikich vajskovych sił — Dziaržpahransłužba Ukrainy
-
«Reaktyŭny šachied urezaŭsia ŭ moj dom». Rasijanie sprabavali kropkavym udaram zabić daradcu ministra abarony Ukrainy, śpiecyjalista pa radyjotechnałohijach
-
USU nanieśli paŭtorny źniščalny ŭdar pa NPZ i porcie ŭ Tuapse
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary