Hramadstva1111

«Biełarus biełarusu biełarus». Marzaluk u Azaronka cytavaŭ Vitolda Ašurka

Učora top-prapahandyst Ryhor Azaronak u svajoj prahramie «Azarionok. Napriamuju» razmaŭlaŭ z adyjoznym deputam Pałaty pradstaŭnikoŭ Iharam Marzalukom. Siarod inšaha sprava dajšła da abmierkavańnia intervju dyryžora Viačasłava Čarnuchi-Voliča, jakoje ŭčora vyjšła na «Radyjo Svaboda». I padčas jaho Marzaluk niečakana pracytavaŭ, prytym stanoŭča, a nie pierakryŭlajučy, zakatavanaha režymam u Škłoŭskaj kałonii amal try hady tamu Vitolda Ašurka.

Azaronka ŭ intervju Čarnuchi-Voliča začapiła taja častka, u jakoj dyryžor razvažaje pra ciapierašniuju aŭdytoryju kłasičnaj muzyki ŭ Biełarusi:

«Kłasičnaja muzyka i pachod u teatr — heta ŭ peŭnaj stupieni vychavańnie. Padrychtoŭka, što ty nadzienieš, jak budzieš siabie pavodzić. Uražańnie, što ludziej litaralna z vulicy zaprasili, jany šukali, kudy pajści — u cyrk ci na niejki pop-kancert, a ŭbačyli kvitki ŭ opieru — pojdziem hlaniem, što heta takoje. Heta vielmi kryŭdna. My bačym pa ŭsim, što adbyvajecca ŭ hramadstvie, vielmi nizkija standarty kultury, amal što roŭnyja nulu».

Azaronak u suviazi z hetym va ŭłaścivaj jamu chamskaj maniery zadaŭ Marzaluku pytańnie:

«Ihar Alaksandravič, bydła zastałosia tolki ŭ Biełarusi? Sam čałaviek nie moža dumku sfarmulavać pa try chviliny, ale pry hetym bydła adno zastałosia. Šlachta ŭsia źjechała».

Na što Marzaluk adkazaŭ:

«Nu, ja što chaču skazać. «Biełarus biełarusu biełarus», — ja b adkazaŭ hetamu čałavieku tak.

Niavažna, kolki ŭ ciabie ŭ kišeni hrošaj i jaki ŭ ciabie sacyjalny status. Nu a samaje cikavaje: chto vam dakazaŭ, jakija sacyjałahičnyja zamiery byli zroblenyja? Chto vam skazaŭ, što ludzi ŭ Biełarusi siońnia nie chodziać u teatr, nie chodziać u opieru? Chto vam heta skazaŭ? Čamu vy tak abražajecie ŭsich inšych?» 

Varta adznačyć, što razvažańni Viačasłava Čarnuchi-Voliča byli adkazam na papiaredniuju repliku žurnalistki Hanny Soŭś:

«Chaču padzialicca z vami ŭražańniami niekalkich ludziej, jakija naviedali opierny teatr u Minsku napiaredadni Novaha hoda. Heta stałyja naviedniki opiery, i jany byli mocna ŭražanyja, jak źmianiłasia publika ŭ teatry — i pa vyhladzie, i pa pavodzinach, ludzi razmaŭlali praz telefon padčas pradstaŭleńnia, byli apranutyja vielmi nieadpaviedna, reahavali na muzykaŭ, niby jany na kancercie pop-zorak. Vyhladaje, što stałaja publika, jakaja chadziła ŭ Teatr opiery i baletu, była vymušanaja źjechać, jak i vialikaja kolkaść muzykaŭ».

Kamientary11

  • Źvieraboj
    10.01.2024
    > Chto vam skazaŭ, što ludzi ŭ Biełarusi siońnia nie chodziać u teatr, nie chodziać u opieru
    Spačatku 4 hady žyvuć u cyrku, potym iduć u vybarčy teatr, a paśla idzie opera ź viskam pra "lazhojuščije tanki NATO", žypy jakija praryvajucca prach miažu i pacukoŭ u vadapravodzie. U finale kožnaha cykłu - BDSM viečaryny sa stop-słovam "ia lublu HUBOP/OMON". Kulturnaja kraina karaciej kažučy.
  • Anatol Starkou
    10.01.2024
    A ŭ mianie jość "Libreta da apierety". Zdajecca tak nazvaŭ svajo tvareńnie i Naša Niva jaho niekali tut nadrukavała. Vializnaja parcianka atrymałasia pra naš byt + muzyku ŭziaŭ ź viadomych biełaruskich pop šedeŭraŭ našaha niadaŭniaha času. Hadoŭ mo dziesiać tamu napisaŭ. I jašče jość dva śpiektakli. Tamu j pačnu vučobu na kursie Dramaturhija ŭ kancy studzienia, kab adredahavać maje tvareńni da čytabielnaha varyjantu.
  • Je
    11.01.2024
    Anatol Starkou, nikomu ty nie cikavy i tvaja randomnaja pisanina
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Student histfaka BDU, jakoha katavali ŭ milicyi padčas pratestaŭ. Raskazvajem pra zahinułaha kalinoŭca Alaksandra Sieradu6

Student histfaka BDU, jakoha katavali ŭ milicyi padčas pratestaŭ. Raskazvajem pra zahinułaha kalinoŭca Alaksandra Sieradu

Usie naviny →
Usie naviny

Vajaroŭ biełaruskaha bataljona «Vołat» prymusova pieravodziać u inšyja padraździaleńni18

Łukašenka: Nijakaj vajny ź Jeŭropaj Pucin nie płanuje. Kali b płanavaŭ — ja b dakładna viedaŭ13

Zialenski: Kurskaja apieracyja vykanała svajo zadańnie4

Praz try miesiacy paśla vyzvaleńnia z navapołackaj kałonii pamior były palitviazień. Jamu było 485

Biełaruski fiermier pakazaŭ, jak trymieram rychtuje kłubnicy da siezonu — miljony prahladaŭ

U AirPods płanujuć dadać sinchronny pierakład razmovy

Łukašenka pra Zialenskaha: Vałodzia jak syn mnie byŭ, ale pastupiŭ jak hnida32

Hienštab USU abvierh zajavu Trampa ab «akružeńni ŭkrainskich vojskaŭ»2

Čały analizuje zadačy, jakija Łukašenka pastaviŭ novamu ŭradu3

bolš čytanych navin
bolš łajkanych navin

Student histfaka BDU, jakoha katavali ŭ milicyi padčas pratestaŭ. Raskazvajem pra zahinułaha kalinoŭca Alaksandra Sieradu6

Student histfaka BDU, jakoha katavali ŭ milicyi padčas pratestaŭ. Raskazvajem pra zahinułaha kalinoŭca Alaksandra Sieradu

Hałoŭnaje
Usie naviny →

Zaŭvaha:

 

 

 

 

Zakryć Paviedamić