Znakavyja daty hetaha hoda pavinny znajści adlustravańnie ŭ mierapryjemstvach XI Forumu rehijonaŭ Biełarusi i Rasii, jaki płanujecca pravieści letam ŭ Viciebsku, Połacku i Navapołacku, zajaviła žurnalistam staršynia Savieta Respubliki.
«Hod asablivy — 80-hodździe vyzvaleńnia Biełarusi ad niamiecka-fašysckich zachopnikaŭ, hod 25-hodździa padpisańnia Damovy ab stvareńni Sajuznaj dziaržavy. Viadoma, usio heta pavinna znajści adlustravańnie va ŭsich mierapryjemstvach, jakija buduć prachodzić u ramkach forumu», — skazała Natalla Kačanava.
Pavodle słoŭ staršyni Savieta Respubliki, heta patrabuje naležnaj padrychtoŭki da takoha važnaha mierapryjemstva, piša BiełTA.
«Vielmi važna zrabić usio, kab hetyja mierapryjemstvy prajšli, jak zaŭsiody, zładžana, arhanizavana i samaje hałoŭnaje — kab byŭ vynik u płanie nie tolki ekanamičnaha składnika (padpisańnie kantaktaŭ, pahadnieńniaŭ), ale i supracoŭnictva pamiž rehijonami našych krain, vykanańnia tych damoŭlenaściej, jakija praduhledžany dahavoram ab stvareńni Sajuznaj dziaržavy, sajuznymi prahramami», — padkreśliła jana.
Śpikier zaŭvažyła, što na siońniašnim pasiadžeńni, kudy zaprasili členaŭ arhanizacyjnaha kamiteta, zasłuchana infarmacyja ab vykanańni daručeńniaŭ, jakija dali raniej.
Havorka idzie pra narady, jakija prachodzili pad pačatkam Natalli Kačanavaj u Viciebsku, Połacku. Darečy, upieršyniu Forum rehijonaŭ budzie prachodzić u niekalkich haradach. Padobnaha nie było i ŭ RF.
Staršynia Savieta Respubliki patłumačyła, čamu zadziejničali niekalki placovak. Pavodle jaje słoŭ, važna pakazać nie tolki ekanamičny składnik, ale i zrabić akcent na kultury, historyi, nacyjanalnych tradycyjach biełarusaŭ, histaryčnaj supolnaści Biełarusi i Rasii.
Natalla Kačanava nahadała, što, u pryvatnaści, horad Navapołack u svoj čas byŭ faktyčna pabudavany rasijskimi śpiecyjalistami, jakija pryjechali siudy dla budaŭnictva naftapierapracoŭčaha zavoda.
U chłopca niama zdaroŭja, ale chočacca ŭ siłaviki. Dapamahła Kačanava
Kačanava vykazała spačuvańni pa zahinułych u Daniecku, nazvaŭšy rehijon Rasijaj
Kačanavu zapytalisia pra Pucina, a jana pa zvyčcy raschvaliła Łukašenku
Kačanava vyhulała na MTZ raskošnuju šubu sa skandynaŭskaj norki
Na sustrečy z Łukašenkam Natalla Kačanava parušyła adrazu try praviły dziełavoha dres-kodu
Žycharcy Mahilova pahražajuć kryminałkaj za toje, što źniała ranišniuju čarhu ŭ rehistraturu3
Kamientary