Aŭtuchoviču admoŭlena ŭ zadavalnieńni chadajnictva ab spynieńni kryminalnaj spravy
Vaŭkavyskamu pradprymalniku Mikałaju Aŭtuchoviču admoŭlena ŭ zadavalnieńni chadajnictva ab spynieńni kryminalnaj spravy. Pra heta paviedamiŭ advakat Aŭtuchoviča Pavieł Sapiełka.
Advakat adznačyŭ, što adrazu ž paśla aznajamleńnia z materyjałami spravy jon padaŭ chadajnictva śledčamu ab spynieńni kryminalnaj spravy ŭ dačynieńni da Aŭtuchoviča. «I amal adrazu ž u zadavalnieńni chadajnictva było admoŭlena», — skazaŭ Sapiełka.
Advakat nie viedaje, na jakim etapie znachodzicca sprava jaho padabaronnaha.
«Ja nie viedaju, dzie jana znachodzicca, ci pieradadziena jana ŭ prakuraturu. Pakul nijakich aficyjnych papier na hety kont ja nie atrymlivaŭ», — adznačyŭ Sapiełka.
***
Vaŭkavyskija pradprymalniki Mikałaj Aŭtuchovič, Juryj Lavonaŭ i Uładzimir Asipienka byli zatrymany 8 lutaha 2009 hoda. 18 lutaha im było pradjaŭlena abvinavačańnie pa art. 218 Kryminalnaha kodeksa. 23 červienia ŭ dačynieńni da Aŭtuchoviča i, jak paviedamiła MUS, «inšych asobaŭ» była raspačata sprava pa art. 359 KK (terarystyčny akt) u vyhladzie padrychtoŭki (art. 13). Abvinavačańnie ŭ padrychtoŭcy terarystyčnaha akta Asipienku i Aŭtuchoviču było pradjaŭlena 20 listapada.
8 žniŭnia Lavonava vyzvalili ź minskaha śledčaha izalatara, a 24 vieraśnia ź jaho byli źniatyja ŭsie abvinavačańni.
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary