На АНТ расказалі падрабязнасці нападу на дактароў хуткай дапамогі ў Мінску
10 лютага пацыент напаў з сякерай на брыгаду хуткай дапамогі ў Мінску. Медыкі трапілі ў рэанімацыю. Аднаго з пацярпелых паказалі ў сюжэце АНТ.
Мужчына распавёў, што адчувае сябе «больш-менш добра», «адзінае, што баліць вельмі галава пастаянна». Ён пакуль не ўстае з ложка.
«Мы прыехалі па адрасе, нас сустрэў бацька. Даў накіраванне [на шпіталізацыю]. Але бацька не папярэдзіў што ён [пацыент] агрэсіўны, што ён неадэкватны. Ён сказаў, што ўсё добра і вы можаце спакойна праходзіць».
Пацыент напаў са спіны, напарнік кінуўся ратаваць калегу. На крыкі прыбег бацька, паваліў сына на падлогу і выбіў сякеру з рук, распавёў пацярпелы мужчына.
Пра стан другога медыка нічога не паведамілі.
Прафсаюз работнікаў аховы здароўя, у якім адкрыты фонд падтрымкі калег на выпадкі траўмавання на працы, распавёў, што за 2022-23 гады да іх за дапамогаю звярнуліся 17 медыкаў — гэта работнікі хуткай медыцынскай, прыёмных аддзяленняў і іншыя асобы, якія атрымалі траўмы ў сваёй дзейнасці.
Чытайце таксама:
На мужчыну, які напаў на брыгаду хуткай дапамогі з сякерай, завялі крымінальную справу
У Мінску пацыент напаў з сякерай на брыгаду хуткай дапамогі. Медыкі ў рэанімацыі
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары