«Takoje było, kali Hitler vyrašyŭ zabić habrejaŭ». Prezident Brazilii paraŭnaŭ vajnu ŭ siektary Haza z Chałakostam
Paśla zajavy prezidenta Ministerstva zamiežnych spraŭ Izraila vyklikała pasła Brazilii.
Brazilski lidar Łuła da Siłva na pres-kanfierencyi ŭ minułuju niadzielu zajaviŭ, što vajennaja apieracyja Izraila suprać terarystyčnaj hrupoŭki CHAMAS nahadvaje jamu Chałakost, piša Bild.
«Toje, što adbyvajecca z paleścinskim narodam u siektary Haza, nie zdarałasia ni ŭ adzin inšy pieryjad historyi. Dakładniej, takoje było, kali Hitler vyrašyŭ zabić habrejaŭ», — skazaŭ jon.
Apieracyja CACHAŁ suprać bajevikoŭ u siektary Haza pačałasia paśla taho, jak terarysty CHAMAS 7 kastryčnika minułaha hoda ŭvarvalisia na terytoryju krainy i ŭčynili masavuju raźniu — jany zabili bolš za 1200 čałaviek i vykrali kala 250.
Paśla zajavy prezidenta Ministerstva zamiežnych spraŭ Izraila vyklikała pasła Brazilii, jaki znachodzicca ŭ krainie. Pry hetym premjer-ministr Izraila Bińjamin Nietańjachu nazvaŭ słovy brazilskaha prezidenta «haniebnymi i surjoznymi».
«Heta prynižeńnie značeńnia Chałakostu i sproba nanieści škodu habrejskamu narodu i pravu Izraila na samaabaronu», — skazaŭ Nietańjachu, dadaŭšy, što Łuła da Siłva svaim paraŭnańniem pierajšoŭ čyrvonuju rysu.
Ministr abarony Izrailu Joaŭ Hałant nazvaŭ vykazvańnie prezidenta Brazilii «aburalnym i ahidnym», a prezident Izraila Isaak Hiercah zajaviŭ pra «amaralnaje skažeńnie historyi».
Łuła da Siłva taksama abjaviŭ, što jaho kraina pavialičyć vypłaty Blizkaŭschodniamu ahienctvu AAN dla dapamohi paleścinskim biežancam. Heta adbudziecca niahledziačy na toje, što, pa danych izrailskaj raźviedki, prynamsi 12 supracoŭnikaŭ ahienctva majuć dačynieńnie da ŭvarvańnia 7 kastryčnika minułaha hoda.
Minskaja nastaŭnica zvolniłasia sa škoły za 3 miesiacy da kanca adpracoŭki. Kolki pryjšłosia zapłacić?26
Kamientary