Aŭtara jutub-kanała «Narodny reparcior» Siarhieja Piatruchina ŭ Breście viedaje kožny sabaka. Razam z błohieram Alaksandram Kabanavym jany prymušali bresckich čynoŭnikaŭ i milicyjantaŭ varušycca i vyrašać prablemy, za što nie raz traplali za kraty. U 2020-m, za dva miesiacy da vybaraŭ, ich abodvuch zatrymali pa kryminałcy i ŭ kastryčniku 2021-ha asudzili na try hady źniavoleńnia. Kabanava nakiravali ŭ Navapołackuju kałoniju, u jakoj najhoršaja reputacyja i biesčałaviečnyja ŭmovy ŭtrymańnia źniavolenych. Piatruchinu pašancavała bolš: jaho adpravili ŭ Viciebsk, u kałoniju «Vićba», dzie ŭtrymlivajucca byłyja siłaviki, sudździ, čynoŭniki i biznesoŭcy.
U vialikaj hutarcy TOK Siarhiej Piatruchin raspaviadaje pra viadomych siadzielcaŭ hetaj kałonii, u tym liku eks-kiraŭnika słužby biaśpieki Łukašenki Andreja Uciuryna i eks-sudździu i karupcyjaniera Mahamieda Umarava, palitviaźniaŭ Maksima Znaka i Maksima Viniarskaha. Zhadvaje ŭskryćcio vien i adpraŭku ŭ karcar, dzie straciŭ adrazu 10 kiłahramaŭ. Kaža pra svajo buntarstva, jakoje pryviało da ździełki z načalstvam kałonii. Ale Piatruchin nie zaŭždy byŭ u apazicyi. Jon tłumačyć, čamu ŭ 1994-m hałasavaŭ za Łukašenku, nazyvaje siabie raniejšaha zvyčajnym vatnikam i apisvaje składanyja adnosiny ź siamjoj, jakaja nie padzialaje jahonyja pohlady.
00:00 — vyrvana z kantekstu
00:36 — pra strach i paničnuju ataku
04:50 — samaje strašnaje — apieratyŭniki i śledčyja
06:31 — jak źmianiłasia Biełaruś za hod
07:16 — pra pachod u łaźniu sa śledčym
10:44 — jakija nastroi ŭ Biełarusi
11:53 — ci pieraharnuli ŭ Biełarusi staronku
15:39 — ci padtrymlivajuć Łukašenku na «Bresckim pivie»
18:35 — jak nazalali siłaviki ŭ Biełarusi
20:45 — pra śledčaha Staševiča
21:28 — čamu hałasavaŭ za Łukašenku
24:35 — jak syn pryvioŭ da biełaruščyny
26:23 — jak svaryŭsia z sudździoj
27:43 — maci kazała: «Dzie tvoj zdradnik Kabanaŭ?»
29:46 — čym admietnaja kałonija «Vićba»
31:24 — jak siadzić sudździa Umaraŭ, jakomu dali 14 hadoŭ
33:47 — jak staviacca ŭ kałonii da Uciuryna, eks-kiraŭnika słužby biaśpieki Łukašenki
35:39 — pra mytnika Cybu i padstavu
38:31 — «Za palityku razmaŭlali tolki z «žoŭtymi»
41:18 — kolki viaźniaŭ napisali prašeńni ab pamiłavańni
42:57 — jak Bazanaŭ, staršynia BFF, ciahaŭ za hrudzi
44:52 — «Tak, ja kłoŭn. I što?»
45:59 — jak vioŭ śviata dla MUS
47:09 — čamu nazyvaŭ siabie pamočnikam Łukašenki
49:24 — jak chacieli naviesić «nizki status»
54:19 — pra karcar i efiry Piatruchina dla zony
57:58 — pra miedykaŭ u źniavoleńni
58:47 — jak buntavaŭ, a paśla damoviŭsia
1:05:18 — za čas karcaru skinuŭ dziesiać kiłahram
1:06:34 — chto «stučaŭ» u kałonii
1:10:14 — pra palitviaźnia Maksima Viniarskaha
1:11:17 — jak trymajecca Maksim Znak
1:11:59 — rasijanie ŭ Breście
1:15:24 — pra Mašenskaha
1:16:24 — ci pavažali ŭ Breście mera Rahačuka
1:18:30 — «Pinčuki vaty nie katajuć»
1:21:47 — pra znajomstva ź Cichanoŭskim
1:25:17 — Siarhiej ci Śviatłana Cichanoŭskaja?
1:26:46 — «KR — heta trešak»
1:29:47 — jak vyzvalić palitviaźniaŭ
1:31:46 — apazicyja adarvałasia?
1:35:12 — BLIC: chleb ci vidovišča, Brest ci Bieraście, hałoŭny błohier Biełarusi
1:40:03 — žonka pamianiała proźvišča sabie i synu
1:41:48 — «Ja chaču być sanitaram»
Tur patłumačyŭ, što Łukašenka mieŭ na ŭvazie, kažučy pra pryznačeńnie dyrektaraŭ u pryvatnyja kampanii2
Kamientary