Tolki na zapusk sajuznaha miedyjachołdynha Rasii i Biełarusi nakirujuć $11 miljonaŭ
Praca sajuznaha miedyjachołdynha Rasii i Biełarusi pačniecca ŭ 2025 hodzie, raspavioŭ «Iźviestijam» dziaržsakratar Sajuznaj dziaržavy Dźmitryj Mieziencaŭ.
Pastanova «Ab stvareńni miedyjakampanii Sajuznaj dziaržavy» padpisana pa vynikach pasiadžeńnia Vyšejšaha dziaržsavieta (VDS) Rasii i Biełarusi, jakoje adbyłosia jašče ŭ kancy studzienia. Tady stała viadoma, što tudy ŭvojduć dźvie haziety — «Sajuznaje vieča» i «Sajuz. Biełaruś — Rasija», časopis «Sajuznaja dziaržava», jaki vydajecca «Kamsamolskaj praŭdaj», i teleradyjoviaščalnaja arhanizacyja.
Finansavacca chołdynh budzie z boku Sajuznaj dziaržavy, biudžet jakoj farmirujuć Biełaruś i Rasija, raspavioŭ Dźmitryj Mieziencaŭ.
— Z ulikam inflacyjnaha kaeficyjenta srodki, jakija raniej nakiroŭvalisia na finansavańnie infarmacyjnych resursaŭ Sajuznaj dziaržavy, buduć pavialičany. Pa miery pracy my vyznačymsia: albo miedyjakampanija budzie sama zarablać bolš, majučy na ŭvazie rekłamny rynak, albo pa analizie pieršaha etapu pracy vyznačymsia, ci nieabchodna budzie dadatkovaje finansavańnie, — skazaŭ jon.
Pavodle jaho słoŭ, na dadzieny momant užo vydzielena kala 1 młrd rasijskich rubloŭ (kala 11 młn dalaraŭ). Tak, na finansavańnie teleradyjoviaščalnaj arhanizacyi zakładziena 448 młn, haziety «Sajuznaje vieča» — 263 młn, haziety «Sajuz. Biełaruś — Rasija» — 209 młn, na vydańnie i raspaŭsiudžvańnie časopisa «Sajuznaja dziaržava» — 67 młn rasijskich rubloŭ.
Mieziencaŭ taksama adznačyŭ, što kalektyŭ chołdynhu jašče nie sfarmiravany, ale «tam buduć pracavać vopytnyja i talenavityja ludzi».
Taksama dziaržsakratar raskazaŭ ab «resursnym centry», jaki ŭvojdzie ŭ chołdynh. Jon budzie farmavać «abjom kantentu, jaki paśla budzie pieradavacca i raspaŭsiudžvacca praz elektronnyja srodki infarmacyi».
Hałoŭny ofis chołdynhu budzie raźmieščany ŭ Maskvie, a jaho pradstaŭnictva — u Minsku. Finansavańnie chołdynh budzie atrymlivać z boku Sajuznaj dziaržavy, biudžet jakoj farmirujuć Biełaruś i Rasija.
Mieziencaŭ adznačyŭ, što miedyjachołdynhu buduć dapamahać inšyja ŚMI:
«Viadoma ž, my budziem zapytvać mierkavańnie i partniorski patencyjał tych ŚMI, kamu cikava i važna havaryć ab Sajuznym budaŭnictvie, ab našaj historyi, ab historyi vialikaj Pieramohi».
Zapusk miedyjachołdynha płanujecca ŭ 2025 hodzie.
Sakrety pośpiechu Natalli Ejsmant: jak byłaja aktrysa stała najbližejšym čałaviekam Łukašenki
«Nichto nie zmoža tołkam skazać, što heta było». Rasijski karespandent raśpisaŭ «dobryja spravy» Pucina i Łukašenki
Biełaruś i Rasija stvaryli kamisiju dla «abarony histaryčnaj praŭdy»
Ad dziaržaŭnych biełaruska-rasijskich miedyja plujecca navat Prydybajła
«Moža, u niejkaj stupieni budzie nie tanna». Dla prapahandystaŭ Rasii i Biełarusi stvorać ahulny miedyjachołdynh
Kamientary