2 krasavika ŭ Hrodnie na vulicy Vialikaj Trajeckaj adkryli «Ruski dom», užo čaćviortuju ŭstanovu takoha kštałtu ŭ Biełarusi. Adkryćcio prymierkavali da tak zvanaha Dnia jadnańnia narodaŭ Biełarusi i Rasii, uviedzienaha jašče ŭ 1990-ch.
Pasoł Rasii ŭ Biełarusi Barys Hryzłoŭ śćviardžaje, što adkryćcio ŭ Hrodnie Rasijskaha centra navuki i kultury («Ruskaha doma») budzie spryjać pašyreńniu «šmatviekavych suviaziaŭ pamiž braterskimi narodami Rasii i Biełarusi».
«Adkryvajučy ŭ Dzień jadnańnia narodaŭ Rasii i Biełarusi Rasijski centr navuki i kultury ŭ Hrodnie, my sadziejničajem pašyreńniu šmatviakovych suviaziaŭ pamiž našymi braterskimi narodami, u asnovie jakich lažać ahulnyja karani, historyja, kultura i ruskaja mova, jakaja maje ŭ respublicy status dziaržaŭnaj», — adznačyŭ Hryzłoŭ.
Pavodle słoŭ Hryzłova, ustanova źjaŭlajecca šmatprofilnaj kulturna-humanitarnaj prastoraj, tut buduć pravodzić majstar-kłasy, kancerty, kinapakazy, adukacyjnyja mierapryjemstvy, vystavy rasijskich i biełaruskich mastakoŭ.
Pry hetym Barys Hryzłoŭ nazvaŭ terminy źjaŭleńnia «Ruskaha doma» ŭ Horadni «rekordna karotkimi», bo ad momantu pryniaćcia rašeńnia ab jahonym adkryćci da ŭračystaha mierapryjemstva «prajšło ŭsiaho paŭtara hoda».
Raniej «Ruskija damy» byli adkrytyja ŭ Minsku, Homieli i Breście. Stvareńniem «Ruskich damoŭ» zajmajecca dziaržaŭnaja arhanizacyja «Rassupracoŭnictva».
«U pieršuju čarhu našy damy my adkryvajem dla ludziej, jakija chočuć pabolš daviedacca pra Rasiju, jaje kulturu, atrymać dakładnuju infarmacyju pra padziei, što adbyvajucca. Ruski dom — heta placoŭka dla dyjałohu i abmienu dumkami pa roznych pytańniach», — skazaŭ napiaredadni adkryćcia Ruskaha doma ŭ Hrodnie kiraŭnik Rassupracoŭnictva Jaŭhien Prymakoŭ.
Namieśnik staršyni Hrodzienskaha abłvykankama Vital Niaviera, vystupajučy na adkryćci, zajaviŭ, što inicyjatyva stvareńnia ŭ Hrodnie Ruskaha doma zychodziła, maŭlaŭ, nie «źvierchu». Pavodle słoŭ čynoŭnika, z takim zapytam u «Rassupracoŭnictva» źviarnulisia členy abjadnańnia «Ruskaje tavarystva».
Žycharcy Mahilova pahražajuć kryminałkaj za toje, što źniała ranišniuju čarhu ŭ rehistraturu3
Kamientary
Horadni «rekordna karotkimi», bo ad momantu pryniaćcia rašeńnia ab jahonym
adkryćci da ŭračystaha mierapryjemstva «prajšło ŭsiaho paŭtara hoda».