Samy stary mužčyna ŭ śviecie (jamu 111 hadoŭ) patłumačyŭ svajo daŭhalećcie rehularnym spažyvańniem tradycyjnaj stravy
111-hadovy Džon Tynisvud z hrafstva Miersisajd u Anhlii staŭ najstarejšym z mužčyn u śviecie, jamu 6 krasavika było 111 hadoŭ i 224 dni.
Jon tłumačyć svajo daŭhalećcie spažyvańniem tradycyjnaj brytanskaj stravy — ryby sa smažanaj bulbaj pa piatnicach i rehularnymi piešymi pachodami ŭ junactvie, piša Bi-bi-si.
Tynisvud ciapier žyvie ŭ domie sastarełych u horadzie Saŭtpart. Jon raić «treniravać rozum» i «prajaŭlać» umieranaść va ŭsim.
Papiaredni ŭładalnik zvańnia najstarejšaha mužčyny na ziamli Chuan Visente Pieres Mora ź Vieniesueły pamior u aŭtorak va ŭzroście 114 hadoŭ.
Tynisvud, zaŭziatar futbolnaha kłuba «Livierpul», naradziŭsia ŭ Saŭparcie 26 žniŭnia 1912 hoda.
Jon sustreŭ svaju žonku Błodvien padčas Druhoj suśvietnaj vajny, jany pažanilisia ŭ 1942 hodzie.
Ich dačka Śjuzien naradziłasia ŭ 1943 hodzie. Para pražyła ŭ šlubie 44 hady — da śmierci Błodvien u 1986 hodzie.
Tynisvud pracavaŭ u bujnych kampanijach — Royal Mail, Shell i BP — da vychadu na piensiju ŭ 1972 hodzie.
Jon kaža, što ŭ jaho niama śpiecyjalnaj dyjety, Tynisvud praciahvaje atrymlivać asałodu ad svajoj lubimaj ježy (ryby sa smažanaj bulbaj).
U jakaści receptu daŭhalećcia jon rekamienduje «nikoli nie pierahružać arhanizm», kab zachavać zdaroŭje, a taksama ładzić ź ludźmi.
«Ludzi vielmi roznyja, — kaža Tynisvud. — My pavinny prymusić hetuju roźnicu pracavać na nas, inakš pacierpim niaŭdaču».
4 krasavika jamu byŭ uručany siertyfikat Knihi rekordaŭ Hiniesa.
Dakumientalnyja paćvierdžańni taho, što Tynisvud źjaŭlajecca samym starym z mužčyn, byli pradstaŭleny staršym kansultantam Knihi rekordaŭ Hiniesa pa hierantałohii Robiertam Janham i členami daśledčaj hrupaj pa hierantałohii.
Najstarejšaj z žančyn u śviecie ličycca ispanka Maryja Brańjas Marera, jakaja niadaŭna adśviatkavała svajo 117-hodździe.
Žychar Ivanava spłaciŭ $600 tysiač kampiensacyi za danaty, ale ŭsio adno atrymaŭ 5,5 hoda źniavoleńnia3
Žychar Ivanava spłaciŭ $600 tysiač kampiensacyi za danaty, ale ŭsio adno atrymaŭ 5,5 hoda źniavoleńnia
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1515
Kamientary
Ale heta nie zaležyć ad ježy, sportu, baby pobač, ci miesca žycharstva.