Uzbrojenyja siły Ukrainy padčas novaha kontrnastupu źbirajucca źniščyć Krymski most, jaki złučaje Rasiju i anieksavany Krym, zajaviŭ prezident Ukrainy Uładzimir Zialenski.
«My hetaha vielmi chočam», — skazaŭ ukrainski lidar u intervju niamieckaj miedyjahrupie Axel Springer. Jon taksama dadaŭ, što ŭdary buduć nakiravany nie tolki na Krymski most.
«Havorka idzie pra abjekty infrastruktury, jakija źjaŭlajucca vajskovaj cellu. Havorka idzie pra masty, pra aeradromy, ź jakich uźlatajuć samaloty», — udakładniŭ Zialenski.
Pavodle jaho słoŭ, płan novaha kontrnastupu ŭžo składzieny, ale dla jaho realizacyi patrebna vajskovaja dapamoha ZŠA, u tym liku sučasnaja zbroja. Šancy na pośpiech Zialenski źviazaŭ nie z «kolkaściu ludziej», a jakaściu ŭzbrajeńniaŭ, piša The Moscow Times.
Pra toje, što ŭkrainskaja raźviedka rychtuje treci napad na Krymski most u pieršym paŭhodździ 2024 hoda, raniej paviedamlali ŭkrainskija krynicy The Guardian. Pa ich danych, HUR Ukrainy ŭžo vałodaje «bolšaj častkaj srodkaŭ dla dasiahnieńnia hetaj mety».
Kiraŭnik viedamstva Kiryła Budanaŭ adznačaŭ, što Rasija dobra abaraniaje Krymski most, ale nad hetym pytańniem «pracujuć».
Čytajcie taksama:
Ukraina raspracavała płan novaha kontrnastupu — Zialenski
Zialenski nazvaŭ prymityŭnymi idei Trampa ab zdačy terytoryj u abmien na spynieńnie vajny
