Hramadstva2323

Pachod da hiniekołaha skončyŭsia skandałam — minčanka vajuje z pryvatnym miedcentram

Minčanka aburyłasia, što hiniekołah pačała abmiarkoŭvać jaje historyju ŭ svaim błohu. Doktarka śćviardžaje, što byłaja klijentka ŭ adkaz arhanizavała ckavańnie ŭ internecie.

Ilustracyjny zdymak. Fota: «MiedAvieniu»

Historyja pačałasia z žanočaha foruma (a dakładniej, mabilnaha dadatku momlife, dzie mamy z roznych haradoŭ i krain abmiarkoŭvajuć nadzionnyja prablemy). Žančyna ź nikam vrednaya_mama_mishutki (jaje zavuć Natalla) raspaviała, z čym sutyknułasia ŭ pryvatnym miedycynskim centry «MiedAvieniu», kudy pryjšła da hiniekołaha zrabić bijapsiju endamietryja: «Usio prajšło dobra, ale na resepšenie mnie ahučyli sumu ŭ 150 rubloŭ. Ja spytała, čamu tak šmat, mnie vydali ček i za bijapsiju, i za kansultacyju».

Pačatak historyi ŭ mabilnym dadatku momlife

Klijentka aburyłasia, bo ličyć, što nijakaj kansultacyi nie było (na sajcie «MiedAvieniu» paznačana, što aśpiracyjnaja bijapsija z połaści matki kaštuje ad 65 rubloŭ). Administratarka paraiła vyśviatlać hetaje pytańnie napramuju z doktarkaj.

Žančyna śćviardžaje, što ŭ toj momant nie vielmi dobra siabie adčuvała, tamu vyrašyła abmierkavać situacyju na nastupnym pryjomie. Tym bolš heta byŭ nie pieršy jaje vizit da hetaj śpiecyjalistki, a čaćviorty.

Ale praź niekalki hadzin Natalla pabačyła, što toj samy hiniekołah abmiarkoŭvaje jaje vypadak u svaim błohu ŭ instahramie:

«U storys u hetaha lekara biez ukazańnia majho imia vychodzić cełaja historyja, jak abiasceńvajuć jaje pracu, jak jana dźmuła mnie ŭ adno miesca, a ja aburyłasia canoj. Što jana nie lekar dla ŭsich i kali kamuści štości nie padabajecca, to treba chadzić u palikliniku, i kamunikacyju sa mnoj jana spyniaje, analizy prosta potym mnie addaść na ruki i adpravić da inšaha doktara».

Paśla klijentka napisała doktarcy, kab razabracca ŭ situacyi, ale taja zabaniła Natallu. Paźniej doktarka paćvierdziła ŭ storys, što nie abaviazana razmaŭlać z pacyjentkami ŭ niepracoŭny čas, tamu napisała žančynie, što kamunikavać ź joj budzie tolki ŭ ścienach kliniki, a paśla zabłakavała jaje.

Druhaja hierainia kanfliktu — hiniekołah Alena Vajciachovič ź Minska, jakaja davoli aktyŭna viadzie błoh u instahramie i maje 39 tysiač padpisčykaŭ. U apisańni profilu paznačana: «Piaščotny doktar z žorstkimi pryncypami», «Spačatku ty budzieš mianie bajacca». Chutčej za ŭsio, užo paśla pačatku skandału źjaviŭsia jašče adzin punkt — «Pajdu ŭ sud z pacyjentam».

Skrynšot storys u akaŭncie Aleny Vajciachovič

Doktarka zaŭvažaje, što kali raspaviadała historyju Natalli, to nie nazvała imia, uzrost pacyjentki, dyjahnaz. Tamu jana ličyć, što nie parušyła zakon ab abaronie piersanalnych danych. U adnym ź vielmi emacyjanalnych storys Alena napisała:

«Słuchajcie! Vy ŭsie bačycie, chto ja! U mianie jość błoh. U mianie jość niejkija abstraktnyja historyi časam. Nu dyk nie idzicie da mianie na pryjom, kali vam tak strašna, što ja budu parušać miedycynskuju tajamnicu, padstaŭlać siabie i raskazvać pra vas «carycu takuju adzinuju i niepaŭtornuju». Łuchta, prosta łuchta!».

Hiniekołah taksama ličyć, što paśla dopisu Natalli na forumie (na toj momant akaŭnt žančyny byŭ adkrytym i pabačyć dopis moh luby karystalnik) inšyja mamy pačali jaje ckavać u internecie — u kamientaryjach i asabistych paviedamleńniach joj pačali pisać niepryjemnyja rečy.

Niechta pisaŭ aburanyja paviedamleńni i na staroncy miedycynskaha centra ŭ instahramie. Ad miedycynskaha centra aficyjnaj reakcyi na kanflikt pakul nie było. Darečy, kamientary pad apošnim dopisam miedcentra, dzie ludzi vykazvali svajo staŭleńnie da kanfliktu, ciapier zakrytyja.

Skrynšot storys u akaŭncie Aleny Vajciachovič

Byli i tyja, chto padtrymaŭ doktarku ŭ hetaj historyi.

Na piaty dzień kanfliktu, pa słovach Aleny, Natalla vykazała žadańnie sustrecca ŭ miedycynskim centry na razmovu. Ale kanstruktyŭnaha dyjałohu nie atrymałasia.

Doktarka raspaviała, što byłaja pacyjentka napisała na jaje skarhi ŭ roznyja orhany. Sama ž Alena sabrała kalekcyju skrynšotaŭ, ź jakimi płanuje źviartacca ŭ sud. Jana kaža i pra namier napisać zajavu ŭ milicyju za arhanizacyju ckavańnia ŭ internecie.

Tym časam abmierkavańnie historyi ŭ sacyjalnych sietkach aktyŭna praciahvajecca. Videa ŭ tyktoku na hetu temu nabirajuć sotni tysiač prahladaŭ.

Kamientary23

  • O, znakomyje ludi
    17.05.2024
    Kohda-to była podpisana na etoho doktora. No jejo nievozmožno słušať - ona nie prosto ...., ona ahrieśsivnoje ...., kotoroje obsirajet vsiech podriad. Lubit kričať, čto ona "doktor nie dla niŝiebrodov". A kak ona prieniebriežitielno hovorit o "mamkach" (a eto kak by jejo cielevaja auditorija) - nado słyšať. Da, i frazu "ia duła jej v pisiečku" - ona riealno často upotrieblajet. Sobstvienno, takoje chamło i v hos poliklinikie nadieješsia nie vstrietiť, a za 150 rublej - tiem boleje
  • Pietr
    17.05.2024
    V šokie. normalnyj miedcientr davno by izbaviłsia ot takoho «vrača». Takije ludi voobŝie nie dołžny rabotať s lud́mi, jeje poviedienije nie imiejet ničieho obŝieho s vračiebnoj etikoj.
  • Privykli na cholavu
    17.05.2024
    Počiemu pieried prijemom nie utočniła počiemu stoit ciena ot 65 rub? Počiemu obratiłaś v častnuju kliniku (jakoby priestiž)? 150 rub žałko dla svojej piłotki?
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Kaho ź biznesmienaŭ Łukašenka paklikaŭ da siabie na naradu? Była i zasnavalnica Wildberries8

Kaho ź biznesmienaŭ Łukašenka paklikaŭ da siabie na naradu? Była i zasnavalnica Wildberries

Usie naviny →
Usie naviny

Russia Today pravodzić u Minsku škołu dla žurnalistaŭ. Pryjechaŭ i Prydybajła7

Tramp choča spynić ahoń va Ukrainie da Vialikadnia13

U Kurskaj vobłaści USU raźbili kałonu rasijskaj elitnaj bryhady pad ściahami SSSR16

U Saudaŭskuju Araviju prylacieła ŭkrainskaja delehacyja4

Marzaluk pra novy histaryčny muziej: Sustrakać naviedvalnikaŭ buduć samyja važnyja ŭ nacyjanalnaj historyi asoby11

Jak vyraśli ceny ŭ Biełarusi za apošnija čatyry hady

Lidarka «Alternatyvy dla Hiermanii» zajaviła, što choča dobrych stasunkaŭ z Rasijaj, i nazvała jaje vialikaj dziaržavaj31

Stała viadoma, kolki biełarusaŭ siadzić u polskich izalatarach5

Pradali aŭto, a štrafy prychodziać vam — što rabić?2

bolš čytanych navin
bolš łajkanych navin

Kaho ź biznesmienaŭ Łukašenka paklikaŭ da siabie na naradu? Była i zasnavalnica Wildberries8

Kaho ź biznesmienaŭ Łukašenka paklikaŭ da siabie na naradu? Była i zasnavalnica Wildberries

Hałoŭnaje
Usie naviny →

Zaŭvaha:

 

 

 

 

Zakryć Paviedamić