Składanka, što była zapisanaja padčas dabračynnaha kancertu na karyść paciarpiełych ad ziemlatrusu haicianaŭ, trapiła ŭ viarchi prodažaŭ u Štatach i Vialikaj Brytanii. Albom Hope for Haiti/«Nadzieja dla Haici» uznačaliŭ chit-parad muzyčnaha časopisa «Biłbord», i na siońniašni dzień kancertnuju składanku kupiła 171 tysiača čałaviek.
Nahadajem, usiaho kolki dzion tamu adbyŭsia vializny kancert u Ńju-Jorku, na jakim vystupili Madona, Brus Sprynhstyn, U2, Stynh, Styvi Ŭander i jašče šmat chto. Kancert prynios haicianskamu narodu 66 miljonaŭ dalaraŭ.
Tym časam lehiendarny pradusar Kvinsi Džons paviedamiŭ, što zapiša z novymi vykanaŭcami pieśniu We Are The World/«Śviet — heta my», jakuju ŭ 80-ch sačynili Majkł Džeksan i Łajoneł Ryčy ŭ dabračynnych metach, a zapisali, achviarujučy svaje hanarary afrykanskamu narodu Cina Ciorner, Bob Dyłan, Brus Sprynhstyn. Srodki ad vydadzienaha samotnika pojduć taksama na patrebu harotnych haicianaŭ.
Džons nie adziny, chto maje namiery dać ščodruju miłaścinu paciarpiełym ad stychijnaha biedstva ŭ Haici: pradusar i viadoŭca Sajman Kaueł, jaki ŭ hetyja dni ŭdzielničaje ŭ zdymkach apošniaha siezonu «Amierykanskaja ikona» («Fabryka zorak» pa-amierykansku), taksama mabilizuje śpievakoŭ dla vykanńnia dabračynnaha samotnika. U hetym vypadku pierapiajuć chit hurtu R.E.M. - Everybody Hurts/«Usim balić». U zapisu remiksa ŭžo pahadzilisia ŭziać udzieł Meraja Kery i Džon Bon Džovi.
Ciapier čytajuć
U Aleksandryi Łukašenka pasadziŭ da siabie 23‑hadovuju pryhažuniu20
U Aleksandryi Łukašenka pasadziŭ da siabie 23‑hadovuju pryhažuniu
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary