U Rasii bolš za 200 čałaviek zarazilisia batulizmam, źjeŭšy adnu i tuju ž sałatu. Jość i pieršaja śmierć
Pamior 21-hadovy žychar Kastramy, jaki zachvareŭ batulizmam paśla taho, jak źjeŭ sałatu łobia ŭ Nižnim Noŭharadzie. Mužčyna adčuŭ siabie drenna jašče ŭ Nižnim Noŭharadzie, ale da lekaraŭ źviarnuŭsia tolki ŭ Kastramie. Jon byŭ špitalizavany 16 červienia, ale pamior u reanimacyi, piša TASS.
Heta pieršy zafiksavany vypadak śmierci, źviazany z masavym atručvańniem u Rasii. Na minułym tydni ź simptomami batulizmu da miedykaŭ źviarnulisia niekalki sotniaŭ čałaviek u Maskvie, Padmaskoŭi, Nižnim Noŭharadzie i Kazani. Mnohija trapili ŭ reanimacyju.
Jak akazałasia, usie jany źjeli «Sałatu Łobia z fasoli ŭ vakuumnaj upakoŭcy» sa słužby dastaŭki «Kuchnia na rajonie».
Pavodle infarmacyi Rasspažyŭnahladu, dźvie kampanii-vytvorcy sałaty pracavali «ŭ antysanitarnych umovach, a praces padrychtoŭki fasoli arhanizavany z parušeńniem usich patrabavańniaŭ i normaŭ, što ŭ vyniku pryviało da masavanaha nazapašvańnia batułataksinu ŭ hatovaj pradukcyi».
U vyniku było kanfiskavana 172 tony sałaty. Siłaviki zatrymali troch čałaviek, u tym liku dyrektara «Kuchni na rajonie». Pavodle źviestak uładaŭ, 218 čałaviek zastajucca na stacyjanarnym lačeńni paśla atručvańnia.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?12
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary