Stanisłava Šapiela vinavaciać u tym, što jon zhadziŭsia być kurjeram dla «arhanizacyi, jakuju kuryravała SBU». Ciapier jon užo adbyvaje pakarańnie — za machlarstva.
Stanisłaŭ Šapiel rodam ź vioski Anielina Bychaŭskaha rajona, ale apošnim časam žyŭ u Mahilovie. Chłopcu 18 hadoŭ. Jon pachodzić sa šmatdzietnaj siamji, maje małodšuju siastru i starejšaha brata. Maci hadavała ich adna.
Šapiel byŭ adnym z udzielnikaŭ filma «Dzieci na prycele» na ANT. Tam jaho pradstavili jak ahienta ŭkrainskich śpiecsłužbaŭ — maŭlaŭ, chłopiec zapisaŭ videa, što «hatovy pracavać suprać FSB i Pucina».
Zhodna ź filmam ANT, u studzieni 2023 hoda chłopiec (tady jamu było 16 hadoŭ) ź niebahataj siamji šukaŭ pracu ŭ internecie. Jon natrapiŭ na machlaroŭ, jakija prapanavali pracu kurjeram — zabirać i pieravozić hrošy.
Dla taho, kab uziać Šapiela na kručok, zmusili Stanisłava zapisać videa, na jakim jon zajaŭlaje, što padtrymlivaje Ukrainu i byccam by zhadžajecca pracavać dla SBU.
«Ja, Stanisłaŭ Šapiel, Mahiloŭ. Vystupaju suprać vajny va Ukrainie i Pucina. Padtrymlivaju Ukrainu. Hatovy pracavać suprać FSB i pucinskaha režymu, pieradavać danyja dysłakacyi rasijskich vojskaŭ i akazvać inšuju dapamohu ŭ vajnie suprać Rasii. Budu spansiravać i pracavać na SBU. Słava Ukrainie!» — havorycca na videa.
Sapraŭdnaja pazicyja chłopca pry hetym nieviadomaja.
Paśla hetaha Šapiela aryštavali i abvinavacili pa samaj ciažkaj, 4-j častcy artykuła 209 KK — machlarstva. Sud adbyŭsia ŭ mai 2024-ha. Dakładny prysud nieviadomy, termin moža składać ad 3 da 10 hadoŭ kałonii sa štrafam.
Paśla hetaha biełaruskija śpiecsłužby vyrašyli raskrucić ukrainskuju temu, zhadali i Stanisłava. Jaho abvinavacili jašče pa adnym artykule — «zdrada dziaržavie». Ciapier jamu mohuć dadać ad 7 da 15 hadoŭ kałonii.
Sud pačniecca 29 lipienia 2024 hoda ŭ Mahiloŭskim abłasnym sudzie.
«Naša Niva» — bastyjon biełaruščyny
PADTRYMAĆ
«Ja nie vučyła dziaciej śpiavać himn i chadzić šychtom». Razmova z nastaŭnicaj Taćcianaj Krapinievič, jakaja źjechała z krainy praz danosy Bondaravaj2121
«Ja nie vučyła dziaciej śpiavać himn i chadzić šychtom». Razmova z nastaŭnicaj Taćcianaj Krapinievič, jakaja źjechała z krainy praz danosy Bondaravaj21
«Staršynia prosta biłasia hałavoj ab stoł. Paśla nam razdali kanvierty z hrašyma». Nastaŭnica była ŭ vybarčaj kamisii ŭ 2020-m — i voś što pabačyła1616
Kamientary