U Rasii skančvajucca vielizarnyja zapasy savieckaj zbroi. Mahčyma, joj daviadziecca zharnuć nastupalnyja dziejańni

Jak piša The Economist, šyroka razrekłamavany rasijski nastup na Charkaŭ, jaki pačaŭsia ŭ mai, zhasaje. Pośpiechi Rasii na inšych učastkach linii frontu, asabliva ŭ Danbasie, akazalisia stratehična nikčemnymi i dasiahnuty tolki canoj vializnych strat.

Ciapier pytańnie zaklučajecca nie stolki ŭ tym, ci zmoža Ukraina vystajać, kolki ŭ tym, jak doŭha Rasija zmoža padtrymlivać ciapierašni temp apieracyj.

Klučavoje pytańnie nie ŭ ludziach, a ŭ technicy

Niahledziačy na ​​ŭsie razmovy ab tym, što Rasija zdolnaja papoŭnić vializnyja straty tankaŭ, bronietransparcioraŭ i artyleryi, vyciahnuŭšy sa schoviščaŭ i adnaviŭšy zapasy jašče savieckaj epochi, jany nie biaskoncyja. Pavodle acenak bolšaści raźviedsłužbaŭ, za pieršyja dva hady kanfliktu Rasija straciła kala 3000 tankaŭ i 5000 inšych braniravanych mašyn.

Pa acency łondanskaha analityčnaha centra International Institute for Strategic Studies (IISS), z 1530 tankaŭ, adpraŭlenych na praciahu 2023 hoda na front, amal 85% byli źniaty z zachoŭvańnia i adnoŭlenyja (u asnoŭnym T-72, ​​a taksama T-62 i navat niekalki T-55).

Pavodle acenak IISS, u lutym hetaha hoda ŭ Rasii na składach mahło być kala 3200 tankaŭ. Ale, jak havorać analityki, da 70% ź ich «nie ssunulisia ni na calu z pačatku vajny».

Značnaja častka tankaŭ T-72 zachoŭvałasia pad hołym niebam z pačatku 1990-ch hadoŭ i, vierahodna, znachodzicca ŭ vielmi drennym stanie. Analityki IISS miarkujuć, što pry ciapierašnich tempach rasijskija tanki i BMP dasiahnuć «krytyčnaha punktu źniasileńnia» da druhoj pałovy nastupnaha hoda.

Niedastatkova novych tankaŭ

Kali kazać ab novych tankach, to z pačatku kanfliktu na pieradavuju było adpraŭlena kala 175 dastatkova sučasnych tankaŭ T-90M. Pavodle acenak IISS, sioleta štohadovaja vytvorčaść moža nablizicca da 90.

Adnak, jak śćviardžaje analityk IISS Majkł Hiorstad (Michael Gjerstad), bolšaść tankaŭ T-90M nasamreč źjaŭlajucca madernizavanymi T-90A. Pa miery taho jak ich kolkaść skaračajecca, vytvorčaść novych T-90 u hetym hodzie moža skłaści nie bolš za 28 adzinak.

Ekśpiert pa rasijskim vajennym patencyjale z vašynhtonskaha Centra analizu jeŭrapiejskaj palityki Pavieł Łuzin ličyć, što Rasija moža vyrablać tolki 30 novych tankaŭ za hod. Jon nahadvaje: kali ŭ minułym hodzie ŭkraincy zachapili nibyta novy T-90M, jany vyjavili, što jaho harmata była vyrablena ŭ 1992 hodzie.

Na dumku Łuzina, zdolnaść Rasii stvarać novyja tanki i bajavyja mašyny piachoty ci navat ramantavać staryja tanki strymlivajecca składanaściu atrymańnia kamplektujučych.

Pa ironii losu, Charkaŭ byŭ hałoŭnym vytvorcam viežaŭ dla tankaŭ T-72. Pa słovach analityka, kolkaść rabotnikaŭ u vajenna-pramysłovym kompleksie taksama rezka skaraciłasia — z 10 miljonaŭ da 2 miljonaŭ čałaviek, pryčym aŭtamatyzacyja nie źmianiłasia ni na jotu.

Niedachop artyleryjskich stvałoŭ

Jašče adna surjoznaja prablema — vytvorčaść artyleryjskich stvałoŭ. Na hety momant z dapamohaj Paŭnočnaj Karei ŭ Rasii dastatkova snaradaŭ (vierahodna, kala 3 miljonaŭ).

Ale zvarotnym bokam vysokaj intensiŭnaści ahniu źjaŭlajecca znošanaść stvałoŭ. Na niekatorych učastkach ź intensiŭnym supraćstajańniem stvały haŭbic majuć patrebu ŭ zamienie ŭžo praź niekalki miesiacaŭ.

Pavodle słoŭ Łuzina, tolki dva zavody majuć składanyja stanki aŭstryjskaj vytvorčaści (apošni byŭ impartavany ŭ 2017 hodzie), nieabchodnyja dla vyrabu stvałoŭ. Kožny ź ich moža vyrablać tolki kala 100 štuk u hod, tady jak nieabchodny tysiačy.

Rašeńniem prablemy stała vykarystańnie stvałoŭ ad staroj buksiravanaj artyleryi i ŭstanoŭka ich na samachodnyja haŭbicy. Analityki ličać, što da pačatku hetaha hoda było zamieniena kala 4800 stvałoŭ. Jak doŭha rasijanie zmohuć praciahvać hetuju pracu, zaležyć ad stanu tych, što zastalisia (kala 7000).

«Kali ničoha nie źmienicca, to da kanca hetaha hoda rasijskim vojskam, mahčyma, daviadziecca źmianić taktyku na bolš abarončuju, ličyć Hierstad. Heta moža stać vidavočnym jašče da kanca leta. Čakajecca, što cikavaść Pucina da pahadnieńnia ab časovym spynieńni ahniu budzie raści», — piša The Economist.

• 40
• 1
• 10
• 0
• 4
• 1
• 1
• 3