U Rasii tatarskuju žurnalistku asudzili na 6,5 hadoŭ za «fejki pra armiju»
Viarchoŭny sud Tatarstana asudziŭ žurnalistku Ałsu Kurmašavu da 6,5 hadoŭ pazbaŭleńnia voli za «fejki» pra rasijskuju armiju. Heta adna z troch kryminalnych spraŭ, zaviedzienych suprać hramadzianki ZŠA i Rasii Kurmašavaj. Raniej jaje imia zhadvałasia ŭ kantekście mahčymaha abmienu asudžanymi pamiž dźviuma krainami.
Pra vyniesieny žurnalistcy tatara-baškirskaj słužby «Radyjo Svaboda» Ałsu Kurmašavoj 6,5 hadoŭ kałonii pa artykule ab «vajennych fejkach» (č.2 art. 207.3 KK RF) — u paniadziełak sa spasyłkaj na pradstaŭnika suda paviedamiła ahienctva Associated Press.
Jak vynikaje z kartki suda, sudździa abjaviŭ rašeńnie jašče ŭ piatnicu, 19 lipienia. Razhlad spravy ab «fejkach» zaniaŭ dva dni, prysud byŭ abvieščany na zakrytym pasiadžeńni. Maksimalnaje pakarańnie, praduhledžanaje hetym artykułam rasijskaha Kryminalnaha kodeksa — da dziesiaci hadoŭ pazbaŭleńnia voli.
Jak piša AP sa spasyłkaj na pres-słužbu suda, zakryty režym suda tłumačycca sakretnaściu spravy. Što lahło ŭ jaho asnovu, pradstaŭnik suda tłumačyć nie staŭ.
Raniej vydańnie RBK sa spasyłkaj na abvinavačvańnie paviedamlała, što padstavaj dla spravy stała kniha «Nie vajnie. 40 historyj rasijan, jakija vystupajuć suprać uvarvańnia va Ukrainu», jakaja vyjšła ŭ listapadzie 2022 hoda. Adnoj z redaktarak hetaj knihi była Kurmašava.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ156
Kamientary