Mašyna za $100 tysiač, pieśnia pra skandał, novaja luboŭ: jak žyvie dziaŭčyna, ź jakoj ažaniŭsia (i razyšoŭsia) Słava Kamisaranka
Letaś viasielle papularnaha biełaruskaha stendapiera Słavy Kamisaranki skončyłasia skandałam. Jon daviedaŭsia, što žonka niekali była vebkamščycaj i, zdajecca, tak i nie zmoh daravać, što jana heta chavała. A dzie ž taja dziaŭčyna?
Nahadajem: prykładna hod tamu Julija Šaškova apublikavała ŭ instahramie viasielnyja zdymki. Žanichom byŭ Słava Kamisaranka. Adno z fota dziaŭčyna padpisała: «Pryvitańnie, moj muž!».
Paśla hetaha internet zakipieŭ: šmat chto staŭ abmiarkoŭvać, što raniej žonka stendapiera pracavała vebkam-madellu. Jak vyśvietliłasia, Słava pra hetuju častku jaje bijahrafii nie viedaŭ. Sama dziaŭčyna ŭ vyniku pryznałasia, što šmat hadoŭ tamu sapraŭdy pracavała ŭ vebkamie, ale doŭžyłasia heta niekalki tydniaŭ.
Sioleta ŭ krasaviku Kamisaranka apublikavaŭ čarhovaje videa sa svajho kancerta — u im komik pryznajecca, što žyvie adzin u Prazie, ale šmat jeździć z hastrolami.
Dzie ž ciapier Julija Šaškova? U listapadzie 2023 hoda dziaŭčyna apublikavała ŭ instahramie pieršaje fota z Łos-Anželesa. Ciapier jana žyvie ŭ ZŠA, vučycca vakału va ŭniviersitecie, vypuskaje treki i zajmajecca boksam. A jašče maryć vyraścić cudoŭny sad kala svajho doma.
Paśla pierajezdu Julija pačała vieści videabłoh na YouTube. Debiutnaja videa dziaŭčyna pačała sa «spoviedzi»:
— Usie našy niapravilnyja ŭčynki tak ci inakš pavinny panieści za saboj adkaznaść. I heta nie z punktu hledžańnia niejkaj karmy ci adpłaty. Nie. Heta voś z punktu hledžańnia čałavieka, jaki razumieje, što toje, što jon ździejśniŭ, nie ŭpisvajecca ŭ ahulnapryniatyja ramki i jość amaralnaje, nieetyčnaje. U vyniku nadychodzić momant, kali treba adkazać za toj samy ŭčynak dla taho, kab dalej žyć paŭnavartasna. Kab być ščaślivym, paśpiachovym, niečaha dabivacca. Navošta ja ŭsio heta havaru? Tamu, što ja paniesła hetuju adkaznaść u poŭnaj miery i zapłaciła samy vysoki košt, jaki tolki možna było zapłacić va ŭsioj hetaj situacyi.
Dziaŭčyna mietafaryčna rastłumačyła, što nie bačyć mahčymaści viarnucca ŭ minułyja adnosiny, a ź luboj situacyi, jakaja zdajecca biazvychadnaj, vyjście tolki adno — iści napierad. Taksama jana adznačyła, što kala dvuch hadoŭ zajmajecca psichaanalizam i tolki adnosna niadaŭna zaŭvažyła istotnyja źmieny ŭ sabie.
— Heta źmieny ŭ maim śvietapohladzie, u maim staŭleńni da mnohich rečaŭ, ludziej. U adnosinach da siabie pierš za ŭsio. I ciapier ni adna situacyja, ni adzin čałaviek nie ŭ siłach mianie złamać, prynizić, abrazić. Bo ŭ mianie adekvatnaje ŭsprymańnie realnaści. Ja sama viedaju pra siabie tyja rečy, jakija dla mianie na siońnia źjaŭlajucca nieprymalnymi.
Julija raspaviała, što pierajezd u Amieryku byŭ doŭhačakanym, ale adbyŭsia ŭsio ž krychu spantanna. Jana adrazu pačała pahłyblena vyvučać anhlijskuju movu ŭ Columbia West college.
Dziaŭčyna pachvaliłasia i svaim novym sportkaram z dylerskaha centra — heta Mercedes-Benz AMG SL 43. Kaštuje takaja mašyna bolš za $100 tysiač. Nie biez honaru Julija adznačaje: adzin ź mieniedžaraŭ skazaŭ joj, što detali dla «Mersedesaŭ» robiać uručnuju, a značyć, hety sapraŭdny tvor mastactva.
Dziaŭčynie było składana zabrać užo apłačanuju mašynu praz toje, što strachavyja kampanii nie chacieli strachavać sportkar čałavieku, jaki tolki niadaŭna atrymaŭ kalifarnijskija pravy kiroŭcy. Ale ž u vyniku ŭsio atrymałasia.
Sioleta ŭ lutym Julija prezientavała sinhł Guilty Pleasure. Jana śpiavaje na anhlijskaj movie pra toje, jak pračnułasia «znakamitaj, hołaj i biessaromnaj», a jaje «pussy is a superstar», ale ŭ nienaviśnikaŭ nie atrymajecca zrabić ź jaje achviaru.
Klip na hetu pieśniu ŭ svaim instahramie dziaŭčyna padpisała tak: «Zasnavana na realnych padziejach i traŭmach. Mnie bolš padabajecca adčuvać apafieoz svajoj upeŭnienaści i słuchać vašy vinšavańni».
Niekatoryja ŭ kamientaryjach pisali, što Julija chajpuje na razvodzie. Jana vyrašyła adkazać na heta ŭ svaim telehram-kanale: «Ja 4 miesiacy pracavała nad hetym prajektam: pryniaćcie situacyi, napisańnie tekstu, adpracoŭka akcentu, stanaŭleńnie ŭłasnaha stylu ŭ hołasie i mnohaje inšaje. A vy mnie pišycie pra chajp na razvodzie. Kali i chajp, to tolki na ŭłasnaj pussy. Inšych ludziej nie abmiarkoŭvaju, nie zhadvaju i vam žadaju taho ž».
U svaich sacyjalnych sietkach dziaŭčyna raspaviała padpisčykam, što narešcie znoŭ adčuvaje ščaście ad lubovi. I abjektam hetaj lubovi staŭ ščaniuk, jakoha zaviała Julija. Dziaŭčyna nazvała hadavanca Mijaj.
U krasaviku Julija Šaškova vypuściła druhi trek pad nazvaj EX.IST.
Kamientary