Što pryniasie siomy dzień spabornictvaŭ? Ci zavajuje Biełaruś pieršy miedal?
Biełarusy vystupiać u skačkach na batucie, u płavańni i ŭ kvalifikacyi stralby.
A 13-j pa minskim časie pačniecca kvalifikacyja skačkoŭ na batucie ŭ žančyn. Finał a 14:50.
Biełaruś pradstaŭlaje Vijaleta Bardzidoŭskaja. Dziaŭčyna debiutuje na Alimpijskich hulniach i nie maje top-vynikaŭ. Ale raptam? Darečy, pieršaje zołata ŭ biełarusaŭ u hetym vidzie prynios u 2016-m na Alimpijadzie ŭ Rya Uład Hančaroŭ.
Alimpijski čempijon Tokia Ivan Litvinovič pačnie kvalifikacyju ŭ 19:00. Našamu suajčyńniku jak minimum pa siłach zmahacca za miedal — u hetym siezonie jon maje treci vynik u śviecie. Finał u hetaj dyscyplinie pačniecca ŭ 20:50.
Sport Illustrated prahnazuje Ivanu akurat srebra.
U 21:39 projdzie finał u płavańni 200 m na śpinie. Heta karonnaja dystancyja našaj Anastasii Škurdaj. Što praŭda, dziaŭčyna prabiłasia ŭčora ŭ finał tolki z vośmym vynikam.
Taksama ranicaj pačnie kvalifikacyju ŭ stralbie z 25 mietraŭ Alaksandra Piatrova.
Kamientary