Uviečary 8 lutaha ŭ Minsku sproba pravieści akcyju salidarnaści ź Mikałajem Aŭtuchovičam i Uładzimiram Asipienkam, jakija znachodziacca pad vartaj užo hod, zakončyłasia zatrymańniem jaje ŭdzielnikaŭ.
Prykładna ŭ 18 hadzin kala 15 aktyvistaŭ maładziožnych apazicyjnych ruchaŭ vystrailisia na Kastryčnickaj płoščy, trymajučy partrety vaŭkavyskich pradprymalnikaŭ. Praktyčna adrazu da ich padbiehli ludzi ŭ cyvilnym i ŭziali ŭ koła. Pry hetym dva milicyjaniery ŭ forumie papiaredžvali prysutnych ab niezakonnaści ich dziejańniaŭ.
Praz 2-3 chviliny na płošču pryjechali dva aŭtobusy z supracoŭnikami pałka milicyi śpiecyjalnaha pryznačeńnia, jakija zatrymali maładych ludziej.
Jak i raniej, nieviadomyja ludzi ŭ cyvilnym pieraškadžali pracy žurnalistaŭ, zakryvali abjektyvy fota- i videakamier, sprabavali adcisnuć žurnalistaŭ ad miesca padziei. Jany navat nie dazvolili padyści da ŭdzielnikaŭ akcyi žurnalistam z dyktafonami.
Nahadajem, vaŭkavyskija pradprymalniki Mikałaj Aŭtuchovič, Juryj Lavonaŭ i Uładzimir Asipienka byli zatrymany 8 lutaha 2009 hoda. 18 lutaha im było pradjaŭlena abvinavačańnie pa art. 218 Kryminalnaha kodeksa. 23 červienia ŭ dačynieńni da Aŭtuchoviča i, jak paviedamiła MUS, «inšych asob» była raspačata sprava pa art. 359 KK (terarystyčny akt) u vyhladzie padrychtoŭki (art. 13). Abvinavačańnie ŭ padrychtoŭcy terarystyčnaha akta Asipienku i Aŭtuchoviču było pradjaŭlena 20 listapada.
8 žniŭnia Lavonava vyzvalili ź minskaha śledčaha izalatara, a 24 vieraśnia ź jaho byli źniatyja ŭsie abvinavačańni.
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada15
Kamientary