U centry Vilni na ścianu EHU nanieśli pravakacyjny nadpis, adrasavany Śviatłanie Cichanoŭskaj
1 žniŭnia na vulicy Savičiaus, dzie raźmieščany budynak Jeŭrapiejskaha humanitarnaha ŭniviersiteta, minaki źviarnuli ŭvahu na pravakacyjny nadpis, jaki adrasavany lidaru biełaruskich demakratyčnych sił Śviatłanie Cichanoŭskaj.
![](http://nashaniva.com/img/w840d4webp1/photos/z_2024_08/cichanouskaja240802-d19oc.jpg.webp)
Zdymak byŭ zrobleny u 16:30 u sieradu. Na ścianie napisana: «Cichanoŭskaja, preč z našaha horada». U tekście adsutničaje koska, a słova «našaha» pa-litoŭsku napisana z pamyłkaj (pravilna było b mūsų).
Nielha nie zaŭvažyć padabienstva počyrku ŭ pramym i pieranosnym sensie z papiarednim incydentam na hetaj ža vulicy. U minułuju niadzielu, 28 lipienia, na budynku biełaruskaj kramy Kropka nieviadomyja napisali «Viartajciesia dadomu, biełaruskija śvińni». Nadpis zrobleny na litoŭskaj movie.
Kali paraŭnoŭvać abodva nadpisy, to kidajecca ŭ vočy, što litary «A», «N» i «j» napisany padobnym sposabam, nanosili ich vidavočna ŭ śpiešcy.
Uładalniki kramy Kropka vykazali zdahadku, što heta «pravakacyja łukašystaŭ». Anałahičnaha punktu hledžańnia prytrymlivajucca niekatoryja litoŭskija ekśpierty.
Na biełaruskaj kramie Kropka ŭ Vilni pa-litoŭsku napisali «Viartajciesia dadomu, biełaruskija śvińni»
Ułaśnik paškodžanaj kramy Kropka ŭ Vilni: Pa videa bačna, jak čałaviek fotkaje nadpis
Litoŭskaja palicyja pačała rasśledavańnie ŭ suviazi ź incydentam suprać biełaruskaj kramy ŭ Vilni
Źjavilisia FOTA padazravanaha ŭ napadzie na vilenskuju biełaruskuju kramu Kropka
Kamientary